عبدالقدوس

پنجاب ایجوکیشن پروگرام ، سرکاری اسکولوں میں طلبہ کی رجسٹریشن میں اضافہ
کراچی … راجہ کامران … عالمی بینک نے کہا ہے کہ پنجاب ایجوکیشن پروگرام کے تحت سرکاری اسکولوں میں طلبہ کی رجسٹریشن10 فیصد بڑھی ہے مگر ان کی تعلیمی قابلیت میں اضافہ نہیں ہوا ہے۔ پاکستان کی تعلیمی پالیسی اور نجی و پرائیویٹ اسکولوں کے بارے میں جاری کردہ رپورٹ میں بتایا گیا ہے کہ سرکاری اسکولوں میں فی بچہ اخراجات2 ہزار روپے جبکہ نجی اسکولوں میں1 ہزار روپے خرچ ہوتے ہیں۔رپورٹ میں بتایا گیا ہے کہ حکومت کے محکم تعلیم میں افرادی قوت زیادہ تعلیم یافتہ اور بہتر تنخواہیں لیتی ہے مگر اس کے باوجود سرکاری اداروں کے بچوں کی قابلیت نجی اسکولوں سے کم پائی گئی ہے۔عالمی بینک کے لیڈ اکانومسٹ تارا وشوناتھ کا کہنا ہے کہ پاکستان کو اپنی تعلیمی پالیسی کا از سرے نو جائزہ لینا ہوگا اور اس میں سرکاری اسکولوں کے علاوہ نجی تعلیمی اداروں کے لئے بھی ریگولیٹری فریم ورک تیار کرنا ہوگا۔اس کے علاوہ اساتذہ کی بھرتیوں کو صوبے کے بجائے ضلعی سطح پر منتقل کرنا ہوگا۔ اس کے علاوہ انہیں پولیو مہم اور غیر ضروری ورکشاپس اور دیگر اضافی کاموں میں الجھانے سے بچانا ہوگا۔ رپورٹ میں بتایا گیا ہے کہ دیہی علاقوں میں قائم اسکول وہاں معاشرتی فرق بڑھا رہے ہیں۔

__________________