چیتا چالباز

پاکستان نے کہا ہے کہ وہ امریکی صدر بارک اوباما کی طرف سے گوانٹانامو میں امریکہ کے فوجی جیل کیمپ کو ایک سال کے اندر اندر بند کردینے کے فیصلے کا خیر مقدم کرتا ہے۔

ہفتے کے روز وزارتِ خارجہ کے بیان میں کہا گیا ہے کہ اس فیصلے نے دہشت گردی سے نمٹنے کی کوششوں میں اشد ضروری اخلاقی جہت کا اضافہ کیا ہے۔
اخبار واشنگٹن پوسٹ کی تیار کردہ فہرست کے مطابق اس وقت گوانٹانامو میں چھ پاکستانی شہری قید ہیں۔ ان میں وہ شخص بھی شامل ہے جس پرامریکہ میں 11ستمبر 2001میں دہشت گردوں کے حملوں کا منصوبہ بنانے کا الزام ہے۔

اسی دوران ملائیشیا کے وزیرِ اعظم عبداللہ احمد بدوی نے کہا ہے کہ اُن کی حکومت نے گوانٹانامو میں قید ملائشیا کے دو شہریوں سے ملاقات اور اُنہیں اپنی باقی سزا اپنے ملک کے جیل میں کاٹنے کی اجازت دینے کی درخواست کی ہے۔انہوں نے بھی جیل کیمپ کو بند کردینے کے فیصلے کی تعریف کی ہے۔

امریکہ میں بعض ارکانِ کانگریس نے گوانٹانامو کو بند کرنے پر تشویش کا اظہار کیا ہے۔ اُن کا کہنا ہے کہ اس طرح ہوسکتا ہے کہ خطر ناک قیدیوں کو آزادی مل جائے۔