ابن جلال

پاکستان کی حدود میں امریکی حملوں کی حمایت نہیں کریں گے، برطانیہ
عسکریت پسندی کے خاتمے اور سرحدی صورتحال کے حوالے سے پاکستان اور امریکہ معاہدے کے قریب پہنچ چکے ہیں اور امید ہے کہ دونوں کے درمیان جلد کوئی معاہدہ طے پا جائیگا، پاکستان کی سرحدوں کا احترم کرتے ہیں، برطانوی وزیراعظم گورڈن برائون کا ٹی وی چینل کو انٹرویو
لندن (پا ک ڈاٹ نیٹ) برطانوی وزیراعظم گورڈن برائون نے امید ظاہر کرتے ہوئے کہا ہے کہ سرحد کی صورتحال پر پاکستان اور امریکہ کے درمیان جلد کوئی سمجھوتہ ہو جا ئیگا، پاکستان کی حدود میں امریکی حملوں کی حمایت نہیں کرتے۔ ایک برطانوی ٹی وی چینل کو اپنے انٹرویو میں گورڈن برائون نے کہا کہ برطانیہ پاکستان کی حدود میں امریکی حملوں کی حمایت نہیں کرتا۔ انہوں نے کہا کہ پاکستان بارے برطانیہ کا موقف واضح ہے اور وہ پاکستان کی سرحدوں کا احترام کرتا ہے۔ گورڈن برائون نے کہا کہ عسکریت پسندوں کے خاتمے اور سرحدی صورت حال کے حوالے سے پاکستان اور امریکہ معاہدے کے قریب پہنچ چکے ہیں اور اس مسئلے کےلئے مفاہمت سے زیادہ کوئی بہتر حل نہیں۔ انہوں نے امید ظاہر کی کہ سرحدی صورتحال کے حوالے سے پاکستان اور امریکہ میں جلد کوئی معاہدے طے پا جائیگا۔
ـــــــــــ