عبدالقدوس

وزیر اعظم شوکت عزیز کو انکے چند اہم وزراء نے مشورہ دیا ہے کہ وہ صدرپرویز سے کہیں کہ وہ سابقہ شیڈول پر الیکشن کا انعقاد نہ کریں کیونکہ ان وزراء کا خیال ہے کہ سابقہ شیڈول آئین معطل ہونے کی وجہ موثر نہیں رہا۔ ہفتہ کی رات ان وزراء نے ایک میٹنگ میں وزیر اعظم سے درخواست کی کہ وہ خاموشی سے صدر جنرل پرویز مشرف سے کہیں کہ وہ 15نومبر کو اسمبلیاں اور حکومت تحلیل نہ کریں اور نہ ہی عام انتخابات کرانے میں جلد بازی کا مظاہرہ کریں۔وزیر اعظم کو انکی آئینی جادوگروں کی ٹیم نے بتایا ہے کہ آئین معطل ہونے کے بعد صدر پرویز پر حکومت ختم کرنے یا الیکشن منعقد کرانے کے حوالے سے کوئی آئینی یا قانونی پابندی نہیں رہی ہیں۔ذرائع کے مطابق کسی وزیر نے اس اہم معاملے کو نہیں اٹھایا کہ اگر صدر پرویز مشرف انکی اس تجویز پر رضا مند ہو بھی جاتے ہیں تو وہ بینظیر بھٹو کو اس معاملے پر کیسے آمادہ کرینگے جو کہ اس یقین دہانی پر ہی وطن واپس آئیں ہیں کہ ہر قیمت پر الیکشن کرائیں جائینگے۔

__________________