عبدالقدوس

واٹر بورڈمراکز شکایت کو فعال رکھنے کی ہدایت
کراچی (اسٹاف رپورٹر) صوبائی وزیر بلدیات و چیئرمین کراچی واٹر اینڈ سیوریج بورڈ آغا سراج درانی کے نمائندے نجمی عالم نے انجینئروں کو ہدایت کی ہے کہ ٹاؤنز اور ہیڈ آفس میں قائم چیف انجینئرز کے دفاتر میں قائم شکایتی مراکز کو فعال رکھا جائے تاکہ عوامی شکایات کا فوری ازالہ ممکن ہوسکے۔ انہوں نے کارساز میں واقع مرکزی کنزیومر سینٹر کے افسران اور عملے کو بھی ہدایت کی کہ وہ روزانہ درج ہونے والی شکایات اور ان کے ازالے کی رپورٹ انہیں فراہم کریں۔ انہوں نے کہا کہ اس سلسلے میں کوئی کوتاہی برداشت نہیں کی جائے گی۔ انہوں نے کہا کہ متوقع بارشوں کے دوران بھی ان شکایتی مراکز کی ذمہ داری بڑھ جائے گی۔ اس دوران ہمیں شب و روز محنت اور لگن سے کام کرنا ہے۔ انہوں نے کہا کہ ہمارا بنیادی مقصد عوام کو فراہمی آب و نکاسی آب کی سہولتیں تسلسل کے ساتھ فراہم کرنا ہے۔ انہوں نے کہا کہ شکایتی مراکز کے ٹیلیفون کو بھی درست حالت میں رکھا جائے۔

__________________