ھارون اعظم

حکومت پاکستان کے وفاقی تحقیقاتی ادارے ایف آئی اے کی جانب سے تیار کی گئی ایک سو انیس مطلوب افراد کی فہرست میں بے نظیر بھٹو، سابق صدر جنرل پرویز مشرف اور میرئیٹ ہوٹل پر حملوں میں ملوث افراد شامل ہیں۔ تاہم اس فہرست میں سرکردہ طالبان رہنماؤں کا نام موجود نہیں۔


ریڈ بک کے مطابق عبادالرحمان نے بیت اللہ محسود کی ہدایت پر بے نظیر بھٹو پر حملہ کیا تھا۔

صوبائی پولیس کے خفیہ اہلکاروں کی مدد سے تیار کی گئی یہ فہرست اگرچہ جامع نہیں ہے لیکن خیال ہے کہ اس میں مبینہ شدت پسندوں کے بارے میں معلومات کا مناسب ذخیرہ ہے۔ بی بی سی کو موصول ہونے واالی یہ فہرست گزشتہ برس اکتوبر میں تیار کی گئی تھی۔ ’ریڈ بُک‘ کہلوانے والی اس کتاب میں ایف آئی اے کے اپنے، چاروں صوبوں اور وفاقی دارالحکومت کی پولیس کے سب سے زیادہ خطرناک مطلوب افراد کی تفصیل ہے۔

اس فہرست میں ممبئی حملوں کے تناظر میں گیارہ افراد کا نام تو ہے لیکن ان کی گرفتاری پر انعام کی رقم کا کوئی ذکر نہیں۔ اسی طرح فہرست میں سوات اور قبائلی علاقے کے سرکردہ رہنماؤں کا بھی تذکرہ نہیں ہے۔ فہرست میں شامل افراد کی اکثریت کا تعلق کالعدم لشکرِ جھنگوی سے بتایا گیا ہے۔

ممبئی حملے۔۔۔
ممبئی حملوں کے تناظر میں گیارہ افراد کا نام تو ہے لیکن ان کی گرفتاری پر انعام کی رقم کا کوئی ذکر نہیں۔۔۔
آیف آئی اے کے نئے قائم کردہ خصوصی تحقیقاتی گروپ ایس آئی جی کی اس فہرست کی ایک اہم بات قبائلی علاقوں کے شدت پسندوں کا ذکر نہ ہونا ہے۔ چاروں صوبوں اور اسلام آباد کا تو ذکر ہے لیکن کالعدم تحریک طالبان پاکستان کے رہنماؤں کا کوئی اتا پتا نہیں۔ صوبائی تقسیم کے مطابق صوبہ پنجاب میں سب سے زیادہ پچیس مطلوب افراد ہیں جبکہ دوسرے نمبر پر سندھ کے چوبیس اور بلوچستان کے اٹھارہ ہیں۔ لیکن قابل حیرت بات صوبہ سرحد کے سب سے کم یعنی محض سولہ مطلوب افراد ہیں حالانکہ یہ صوبہ شدت پسندی سے سب سے زیادہ متاثرہ ہے۔

’دلچسپ‘ معلومات
بعض افراد کے بارے میں درج معلومات کافی مزاحکہ خیز بھی ہیں، مثلا شہری حلیہ، باڈی بلڈر کی طرح یا پھر تبلیغی کے طرح چلنا، رُک رُک کر تیز چلنا وغیرہ۔ بعض کی داڑھی کے بارے میں لکھا ہے کہ ’سنت کے مطابق’، ’شعیہ طرز کی‘، ’قانونی معیار کے مطابق‘ یا پھر ’جماعتی سٹائل کی‘۔
لسٹ میں سرفہرست نام اٹک کے عبادالرحمان کا ہے۔ ان کا تعلق اکوڑہ خٹک میں واقع دارالعلوم حقانیہ کے نادر خان عرف قاری اسماعیل کے قائم کردہ گروپ سے بھی بتایا جاتا ہے۔ ریڈ بک کے مطابق انہوں نے بیت اللہ محسود کی ہدایت پر بے نظیر بھٹو پر حملہ کیا تھا۔ وہ خیبر ایجنسی میں باڑہ کے مقام پر مبینہ طور پر ایک تربیتی کیمپ بھی چلایا کرتے تھے۔

اسی طرح میریئٹ ہوٹل حملے میں مطلوب چھتیس سالہ شخص رانا اشفاق احمد کے بارے میں لکھا ہے کہ انہیں کندھے میں گولی لگی تھی اور وہ وزیرستان میں مقیم قاری سیف اللہ گروپ سے تعلق رکھتے ہیں۔ ان کا حزبِ جہاد نامی اسلامی تنظیم سے تعلق بتایا جاتا ہے جس سے وہ انیس سو ستانوے سے ماہانہ تنخواہ بھی لیتے تھے۔ ان پر الزام ہے کہ انہوں نے میریئٹ حملے میں استعمال ہونے والے خودکش حملہ آور ذاکر اللہ کو پشاور میں حملے سے قبل اپنے پاس رکھا تھا۔ وہ سپاہِ صحابہ کے سابق سربراہ مولانا اعظم طارق کے بھائی مولانا عالم طارق کے ڈرائیور بھی رہ چکے ہیں۔


فہرست آیف آئی اے کے نئے قائم کردہ خصوصی تحقیقاتی گروپ ایس آئی جی نے تیار کی ہے

ہر مطلوب شخص کی تصویر (اگر میسر ہو)، جلد کا رنگ، قد اور کن جرائم میں مطلوب ہے، جیسی معلومات درج کی گئی ہیں۔ لیکن بعض افراد کے بارے میں کافی مضحکہ خیز معلومات بھی درج ہیں مثلا ’شہری حلیہ، باڈی بلڈر کی طرح یا پھر تبلیغی کی طرح چلنا، رُک رُک کر تیز چلنا وغیرہ‘۔ بعض کی داڑھی کے بارے میں لکھا ہے کہ ’سنت کے مطابق‘، ’شعیہ طرز کی‘، ’قانونی معیار کے مطابق‘ یا پھر ’جماعتی سٹائل کی‘۔

زبان کے بارے میں بعض افراد کے بارے میں کافی دلچسپ باتیں بھی لکھی گئی ہیں۔ ایک کے طرز گفتار کے بارے میں درج ہے کہ ’بہاری لہجہ‘ اور ایک دوسرے شخص کے بارے میں کہ وہ ’غیرسنجیدہ گفگتو‘ کرتا ہے۔

بعض ماہرین کے مطابق تیزی سے بدلتی صورتحال میں ایسی کتابوں کے اندر درج معلومات تبدیل ہوتی رہتی ہیں۔ بعض صحافیوں کا کہنا ہے کہ اس میں درج معلومات کم سے کم ہیں اور ان کے پاس ان مطلوب افراد کے بارے میں زیادہ معلومات دستیاب ہیں۔

کتاب میں درج ایک اور مبینہ دہشت گرد قاری ظفر کے بارے میں طالبان کی طرف سے تصدیق کر دی گئی ہے کہ وہ ڈرون حملے میں ہلاک ہو چکے ہیں۔
ـــــــــــــــــــــــــ ـــــــــــــــــــــــــ ـــــــــ
بی بی سی۔

عامرشہزاد

معلومات کا شکریہ۔۔۔۔۔۔۔۔۔۔۔۔