پاکستانی

واشنگٹن (اُردو پوائنٹ اخبارتازہ ترین ۔07مارچ۔2010ء) واشنگٹن کے ایئر پورٹ پر باڈی اسکینگ پر فاٹا کے ارکان پارلیمنٹ نے شدید احتجاج کرتے ہوئے دورہ امریکہ منسوخ کر دیا اوروطن واپس ہو رہے ہیں ۔ امریکا کی اسٹیٹ ڈیپارٹمنٹ کی دعوت پر فاٹا کا پارلیمانی وفد سینیٹر عباس آفرید ی کی قیادت میں امریکا گیا تھا تاہم ائیر پورٹ پر انہیں اسکینگ کرانے کے لئے کہا گیا تو انہوں نے احتجاج کرتے ہوئے دورہ منسوخ کر دیا ۔ وفد کے دیگر ارکان میں سینٹر حافظ محمد رشید ،ارکان قومی اسمبلی ساجد حسین طوری ، اخوندزادہ چٹان ، جواد خان اور کامران خان شامل ہیں۔

__________________

پاکستانی

حیرت ہے ان کو ڈالر نظر ہی نہیں آئے دوسرے حکمرانوں کی طرح؟؟؟؟؟؟؟

عدنان دانی

چلو پاکستان کے سیاستدانوں میں کوئی تو خود دار نکلا

کنعان

پاکستانی وفد کا جامہ تلاشی سے انکار

حسن مجتبیٰ
اتوار 7 مارچ 2010 ,‭ 09:15 GMT / 14:15 PST
بی بی سی اردو ڈاٹ کام، نیویارک


پاکستان سے امریکہ آنے والے ایک وفد نے امریکی ہوائی اڈے پر اپنی اسکریننگ کروانے سے انکار کرتے ہوئے وطن واپسی کا فیصلہ کیا ہے۔

مقامی پاکستانی میڈیا نے امریکہ کے دورے پر آئے پاکستان کے قبائلی علاقے کے ایک وفد کے سربراہ سینیٹر عباس خان آفریدی کے حوالے سے دعویٰ کیا ہے کہ وفد میں شامل پاکستانی سینیٹروں اور اراکین قومی اسمبلی نے اس وقت امریکی حکام سے احتجاج کیا جب واشنکٹن ڈی سی کے ایک ہوائي اڈے سے لوئيزیانا ریاست کے شہر نیو اورلیئنز جانے کےلیے انہیں باڈی سکیننگ کروانے کو کہا گیا۔ تاہم سینیٹروں نے سکیننگ سے مبینہ طور پر انکار کرتے ہوئے وطن واپسی کا فیصلہ کیا ہے۔

امریکہ کی دعوت پر صوبہ سرحد سے چھ اراکین پارلیمان پر مشتمل وفد گزشتہ دنوں واشنگٹن آیا تھا۔ وفد ميں سربراہ سینیٹر عباس آفریدی کے علاوہ سینیٹر حافظ محمد رشید، قومی اسمبلی کے اراکین اخوند زادہ چٹان، جواد خان اور ساجد حسین طوری بھی شامل تھے۔

اب تک اس خبر کی امریکی یا پھر پاکستانی حکومتی ذرا‏‏ئع سے تصدیق نہیں کی جا سکی ہے۔

تاہم وفد میں شامل قومی اسمعبلی کے ممبر ساجد حسین طوری کے ذاتی سکیرٹری حافظ رضا نے ہمارے ساتھی دلاور خان وزیر کو بتایا کہ فاٹا کے چھ رُکنی وفد سنیئٹر عباس آفریدی کے سربراہی میں اٹھائیس فروری سے امریکہ کے دورے پر تھا۔حافظ رضا کے مطابق گزشتہ روز جب وہ واشنکٹن سے ایک دوسرے شہر کے لئے جارہے تھے تو ائیرپورٹ پر امریکی حکام نے وفد کو سکیننگ کرانے کو کہا جس پر وفد میں شامل تمام ارکین پارلیمنٹ نے سکنینگ سے انکار کر دیا تھا۔

انہوں نے کہا کہ وفد نے اب دورہ امریکہ احتجاجاً منسوخ کردیا ہے اور وفد میں شامل تمام ارکین پارلیمنٹ قطر ائیرلائن سے واپس پاکستان روانہ ہو چکے ہیں اور شام تک وہ پاکستان پہنچ جائیں گے۔

یاد رہے کہ امریکہ کی حکومت نے گزشتہ دسمبر میں ایک امریکی ہوائي اڈے پر نائجیریا نژاد مشتبہ شدت پسند کی گرفتاری کے بعد سکیورٹی کے مقاصد کے لیے باڈی سکریننگ کا عمل شروع کر دیا تھا۔ پاکستان بھی ان ممالک میں شامل ہے جہاں سے آنے والے افراد کو باڈی سکریننگ سے گزرنا پڑتا ہے۔

امریکہ کی اسی نئی سیکیورٹی پالیسی پر پاکستانی حکومت اور پارلیمان پہلے ہی احتجاج کر چکے ہیں۔ جبکہ اس سلسلے میں پاکستانی سینیٹ نے ایک قراداد بھی منظور کی ہے۔

__________________

فیصل ناصر

کنان بھائی کے فونٹ ٹوٹ رہے تھے خبر کو دوبارہ لگادیا ہے

ARHAM

پختونوں کی اسی غیرت کو تو ختم کرنے کے لیے امریکہ سرکار نے اپنی فوجیں پاکستان میں اتاری ہیں ۔۔۔

__________________

دختراسلام ڈاکٹر عافیہ صدیقی اور ان کے اہل خانہ کی عظمتوں کو سلام۔
مدہوش حکمرانو! ہوش میں آؤ۔۔۔

عبداللہ حیدر

مجھے انتظار ہے کہ "پاگل اور جذباتی پٹھان" کا تبصرہ کب اور کس طرف سے آئے گا۔

عدنان دانی

عبداللہ حیدر بھبائی میں آپکی بہت عزت کرتا ہوں۔ آپ کو یہ کس نے کہا کہ پٹھان پاگل ہوتے ہیں۔ پتحان ایک خود دار قوم ہے بھائی ۔ تاریخ گواہ ہے کہ آپ تک پٹھان کی قوم کھبی پسپاہ نہیں ہوئی اور نہ کسی کے آگے جھکی ہے ۔
جنگ کا میدان ہو یا امن کا قافلہ پٹھان سب سے آگے ہیں۔
میں یہ بات بھی نہیں رد کرسکتا کہ اچھے اور برے ہر قوم میں ہوتے ہیں۔

عبداللہ حیدر

السلام علیکم، بھائی، شاید آپ کچھ غلط سمجھ گئے۔ میرا مطلب یہ تھا کہ خود داری کی ایسی مثال پر بھی کچھ لوگ اپنے سابقہ تعصبات کی وجہ اس قسم کا تبصرہ کرنے سے باز نہیں آئیں گے۔ طنز کا رخ ان لوگوں کی جانب ہے نہ کہ پٹھان قوم کی طرف۔
والسلام علیکم

فیصل ناصر

دانی بھائی آپ دوبارہ عبداللہ حیدر کا مراسلہ پڑھیں

کنعان

عدنان دانی

آپ نے لکھا ہی ایسا تھا کہ ہم کچھ اور سمجھ گئے۔
وضاحت کرنے کا شکریہ

عدنان دانی

میں نے جواب دے دیا ہے فیصل بھائی ۔ شکریہ

کنعان

السلام علیکم دانی بھائی

جب یہ پوسٹ لکھی گئی تھی تو اس کی ورڈنگ آسان اردو میں نہیں تھی اور میں بھی انتظار کر رہا تھا کہ کوئی تو ضرور سمجھنے میں‌ غلطی کرے گا، پھر جب میں مراسلہ بنا رہا تھا تو اس وقت آپکی پوسٹ سامنے آ ہی گئی اور اس کی تصدیق کرنے کے لئے میں بھی آپ کے لئے پوسٹ بنا رہا تھا تو گھر کی آدھی ٹیم کار میں بیٹھی ہوئی میرا انتظار کر رہی تھی اور آدھی میرے سر پر کھڑی تنگ کر رہی تھی کیونکہ انہوں نے کوئی نئی گیم خریدنی تھی جو کہ مجھے یہ مراسلہ چھوڑ کر جانا پڑا کہ آ کر جواب مکمل کروں گا، تو اچھا ہوا کہ میرے آنے تک آپ بات کو سمجھ گئے اس کے لئے شکریہ۔
عدنان بھائی اسی لئے میں بہت آسانی اردو میں لکھتا ہوں مگر میں یہ بھی جانتا ہوں کہ کبھی کبھی سلینگ لینگویج میں بھی لکھ دیتا ہوں۔ آپ کوشش کریں کہ مکالمہ وائز جو گفتگو چل رہی ہوتی ھے اس سے اندازہ لگا لیا کریں۔
حیدر بھائی صاحب نے کسی کے مکالمہ کے ساتھ اپنا مکالمہ جو جوڑا تھا وہ پٹھان حضرات کی فیور میں تھا مگر ہر ایک کے لئے اسے سمجھنا تھوڑا مشکل تھا۔

والسلام

Fawad

يہ بالکل واضح ہے کہ امريکی حکام کا مقصد اور ان کا ارادہ تمام مسافروں کے تحفظ کو يقينی بنانا ہے اس بات سے قطع نظر کہ ان کا مذہب يا شہريت کيا ہے، اور اس ميں پاکستانی مسافر بھی شامل ہيں۔ ۔ اصل ايشو تمام ممکنہ وسائل اور اينٹيلی جينس کو بروۓ کار لا کر جرم کو روکنا ہے نا کہ کسی مخصوص ملک کے شہريوں کو نشانہ بنانا۔ سيکورٹی کے حوالے سے نۓ قواعد وضوابط کا مقصد دہشت گردی کے اس ممکنہ خطرے سے نبرد آزما ہونا ہے جو محض خام خيالی نہيں بلکہ ايک واضح حقيقت ہے جسے نظرانداز نہيں کيا جا سکتا۔

امريکی حکومت پاکستانی سينيٹرز کے گروپ کے کچھ اراکين کی جانب سے دورے کو نامکمل چھوڑ کر وطن واپسی کے فيصلے کو افسوس ناک سمجھتی ہے۔ ليکن يہ حقيقت بھی واضح رہے کہ اسی گروپ کے ديگر اراکين نے دورے کو جاری رکھنے کا فيصلہ کيا ہے باوجود اس کے کہ انھيں بھی سيکورٹی کے انھی مراحل سے گزارا گيا۔ يہ نقطہ بھی اہم ہے کہ امريکی شہريوں کو بھی منتخب کر کے سيکورٹی کے انھی مراحل کا سامنا کرنا پڑتا ہے۔

پاکستانی سينيٹرز کے گروپ ميں کل 11 اراکين تھے اور ان ميں سے صرف 2 افراد کو سيکورٹی کے ان مراحل کے ليے منتخب کيا گيا تھا۔ اگر کچھ تجزيہ نگاروں کی راۓ کے مطابق انھيں مستثنی قرار دے ديا جاتا تو پھر ان دوسرے مسافروں سے امتيازی سلوک کيا جاتا جنھيں ان سينيٹرز کے ساتھ جامہ سکريننگ کے ليے منتخب کيا گيا تھا۔

ميں سيکورٹی کے حوالے سے آپ کے جذبات سمجھ سکتا ہوں۔ ليکن جيسا کہ ميں نے آپ کو پہلے بتايا تھا کہ اس ضمن ميں کسی خاص مذہب يا طبقے سے تعلق رکھنے والے افراد کے ليے دوہرا معيار نہيں ہے۔

فواد – ڈيجيٹل آؤٹ ريچ ٹيم – يو ايس اسٹيٹ ڈيپارٹمينٹ
digitaloutreach@state.gov
U.S. Department of State