راجہ اکرام

انتظامی حالات کے تحت علاقوں کی تقسیم حکمت عملی ہوا کرتی ہے اور اس سے ملک کے نظم و نسک کو منظم کرنے میں مدد ملتی ہے۔ لیکن ذاتی خواہشات، لسانی بنیاد یا اس طرح کے کسی دوسرے ارادے سے کی گئی تقسیم اگرچہ ابتدا میں تو بڑی دلفریب لگتی ہے لیکن اس کے نتائج بڑے بھیانک ہوتے ہیں۔
خاص طور پر لسانیت کی عصبیت تمام عصبیتوں میں سب سے زیادہ خطرناک ہے۔ اس میں بل بوتے پر کی جانے والی تقسیم بھیانک نتائج پر منتج ہو سکتی ہے۔
سکھر تک اگر اردو صوبہ بنے گا تو پھر اہل سندھ کے پاس کیا رہ جائے گا۔جو وہاں کے مقامی باشندے ہیں۔ سکھر کے بعد تو شکار پور، لاڑکانہ، گھوٹکی، پنو عاقل کے علاوہ کوئی اہم جگہ نہیں ہے، اور ان علاقوں پر کوئی صوبہ کیا جئے گا۔
کراچی سے لے کر سکھر تک اگر نگاہ دوڑائی جائے تو اس بیچ سندھی اکثریت کے کئ اضلاع ہیں، جن میں نوابشاہ، کنڈیارو، مورو، سانگھڑ، بدین اور مٹیاری قابل ذکر ہیں۔ اگر اردو صوبہ سکھر تک بن بھی گیا تو سندھی اور مہاجر کا جھگڑا تو پھر بھی چلتا رہے گا۔ کراچی میں پٹھان بھی ایک بڑی اکثریت میں ہیں جن کی گزشتہ کئی نسلیں یہیں پر پلی بڑھی ہیں۔ ان کے لئے بھی جگہ بنانی پڑےگی۔
قصہ مختصر یہ تقسیم انتہائی مہلک ہو سکتی ہے۔

موجودہ حالات میں نئے صوبے کی آواز اٹھانے کے پیچھے جو عناصر شامل ہیں‌ ان کا ادراک ضروری ہے۔
محمد علی درانی خود وفاقی وزیر رہے۔ ان کی پارٹی نے غیر مشروط اختیارات کے مزے لوٹے ، تب یہ صوبہ ضروری کیوں نہیں تھا۔
اصل مسئلہ پنجاب حکومت کو کمزور کرنا ہے، جس کے لئے قاف لیگ سرگرم ہے، صدر صاحب اگرچہ نواز شریف کو بھائی کہتے ہیں‌ لیکن پنجاب میں پی پی پی کی حکومت قائم کرنا ان کا دیرینہ خواب ہے جو موجودہ حالات میں پورا ہوتا ہوا نظر نہیں‌آرہا۔ اس لئے درپردہ اس کی حمایت کر رہے ہیں۔
دوسری جانب ایک اہم بات یہ بھی ذہن میں رکھنی چاہیے کہ ایک طرف سوات اور وزیر ستان میں حالات انتہائی نازک ہیں، بلوچستان میں بھی امن کی مثالی صورتحال نہیں ہے ان حالات میں پنجاب کو غیر مستحکم کرنا اور پنجابی اور سرائیکی کو لڑانے کی کوشش ملک کے لئے نقصان دہ ہو سکتی ہے۔

خدارا ہوش کیجئے اور دشمن کو خوش مت کیجئے۔
سب سے اہم کام ملک کی حفاظت ہے، اگر ملک مستحکم ہو جائے تو پھر یہ مسائل آپس میں بیٹھ کر طے کئے جا سکتے ہیں۔ لیکن اگر ’خاکم بدہن‘ ملک کو کچھ ہو جاتا ہے تو یہ سارے صوبے دھرے کے دھرے رہ جائیں گے۔

اس لئے ملکی مفاد کو مقدم رکھ کر سوچئے۔
اللہ ہمارا حامی و ناصر ہو

خدا کرے کہ میری ارض پاک پر اترے
وہ فصل گل جسے اندیشہ زوال نہ ہو

__________________
محتاج اصلاح و دعا

Arabian

صب اپنے مفادات کے لئے کوشاں ہیں۔

shafresha

میں‌صوبوں کی مزید تقسیم کے حق میں‌ہوں مگر فی الحال یہ وقت مُناسب نہیں‌ہے۔ آپ کی بات صحیح ہے۔

wajee

میں نئے صوبے بنانے کے حق میں ہو بہت ہی دلیل سے بحث بھی کر سکتا ہو لیکن ابھی وقت نہیں ہے

__________________

راشد احمد

میں نئے صوبے کے بنانے کے حق میں ہوں لیکن سرائیکی‌صوبے کے‌حق میں نہیں۔ اس کا حال بھی ویسا ہی ہوگا جیسا سندھ کا ہوا ہے۔
سرائیکی‌صوبے پر یوسف رضا گیلانی، ذوالفقار علی کھوسہ، لغاری خاندان، مزاری خاندان، جتوئی خاندان، شاہ محمودقریشی کا خاندان، جہانگیر خان ترین کا خاندان، محمد علی درانی کا خاندان مسلط ہوجائیں گے۔ مجھے یقین ہے کہ اگر یہ صوبہ بن گیا تو اس کا ستیاناس ہوگا۔ میرے آباؤاجداد کا تعلق سرائیکی علاقے سے ہے وہاں کا حال میں دیکھ چکا ہوں۔ وہاں نواز شریف، جونیجو نے بہت سے سکول بنائے تھے لیکن زیادہ تر سکولوں میں‌آپ کو بچے پڑھتے نظر نہیں‌آئیں گے بلکہ سکولوں میں‌گائے بھینسیں بندھی نظر آئیں گی۔ اگر کسی کو یقین نہ ہو تو وہ ڈیرہ غازیخان، راجن پور میں‌مزاری، لغاری علاقے دیکھ لے۔

__________________
حکمران کے محبوب ہونے اور فرعون بننے میں رویے کا فرق ہے۔

راجہ اکرام

وقاص بھائی اختلاف نئے صوبے بنانے میں نہیں‌ہے۔ صوبے اگر انتظامات کو بہتر بنانے کے لئے ناگزیر ہوں تو ضرور بننے چاہییں۔
اختلاف اس بات میں ہے کہ کس بنیاد پر بنیں؟ اور کس وقت بنیں۔؟
لسانی عصبیت کی بنا پر صوبے بنانے سے استحکام کے بجائے بحران ہو گا اس لئے نئی تقسیم کے لئے مستحکم بنیادیں ہونی چاہییں۔
اور جہاں تک وقت کا تعلق ہے تو موجودہ حالات میں جب ملک کے طول و عرض میں مختلف النوع مسائل کی بھرمار ہے، کراچی سے لے کر خیبر تک امن و امان کی صورتحال دگر گوں ہے، بلوچستان کی صورتحال سے آپ آگاہ ہیں۔ ان حالات میں نئے صوبوں کے لئے آواز اٹھانا ملکی مفاد کے بجائے ملک دشمنوں کی معاونت کے مترادف ہو گا۔
لہذا ہمیں‌چاہیے کہ موجودہ حالات میں‌اپنی توانائیاں ملکی استحکام کے لئے صرف کریں چاہے وہ تحریری ہوں یا عملی۔ اس کے لئے پاک نیٹ اور دیگر اس طرح کے فورم مفید ہو سکتے ہیں۔ اگر ہماری کوشش سے ایک فرد بھی راہ راست پر آجائے تو یہ ملک کے لئے بڑی خدمت ہو گی۔

تقسیم ہونی چاہیے لیکن مناسب وقت کا انتظار ضروری ہے۔

فرحان دانش

راجہ اکرام

فرحان دانش بھائی
امید ہے مزاج بخیر ہوں گے۔
حق سے کسی نے انکار نہیں کیا، صرف وقت اور حالات کی نزاکت پیش نظر ہے۔ صرف عنوان نہیں مشمولات پر بھی ایک نظر دوڑا لیں تو انشاء اللہ اطمینان ہو گا۔