راجہ اکرام

عراق میں سابق امریکی صدر جارج بش پر جوتا پھینکنے والے عراقی صحافی کی عزت افزائی کے لیے ایک فنکار نے جوتے کا مجسمہ تیار کیا ہے جس کی عراق کے سابق صدر صدام حسین کے آبائی شہر تکریت میں نقاب کشائی ہوئی ہے۔

یہ مجسمہ عراق کے فنکار لیث العامر نے بنایا ہے اور وہ کہتے ہیں کہ یہ کوئی سیاسی کام نہیں بلکہ عراقیوں کے لیے یہ ایک فخر کا ذریعہ ہے۔

تانبے کے رنگ کے جوتے کے اس مجسمے کا سائز صوفے کے برابر ہے اور جمعرات کو اسے عام لوگوں کے دیدار کے لیے پیش کیا گیا۔

مجسمے کی نقاب کشائی کے وقت تقریبا چار سو لوگ اسے دیکھنے کے لیے جمع ہوئے تھے۔ یہ مجسمہ تین میٹر اونچے ایک سفید چبوترے پر رکھا ہے جس میں ایک ہرا پیڑ بھی نصب کیا گیا ہے۔ اس کے نیچے منتظر الزیدی کی تعریف میں ایک نظم بھی کنندہ ہے۔



یہ ہے قدرت کا انتقام

برے کام کرنے سے اشرف المخلوقات بھی( ""كَالانْعَامِ بَلْ ھُمْ اضَلُّ"" )جانوروں کی طرح بلکہ ان سے بھی زدیادہ گمراہ ہو سکتی ہے۔
ہر انسان لعنت ملامت کرتا ہے۔
اور دوسری طرف ایک جوتا جس کی ویسے ہی کوئی قدر و قیمت نہیں، چہ جائیکہ انسان کے مقابلے میں ، لیکن وہ ایک غلط کام کرنے والے انسان پر برسا اور اتنا بلند مقام پایا کہ ،،، قابل رشک ہے۔



اس لئے انسان کو ہر وقت اپنی شرافت کا خیال رکھنا چاہیے تا کہ اشرف المخلوقات ہی رہے

ورنہ عبرت کے لئے تاریخ بھری پڑی ہے ۔


فاعتبروا یا اولی الابصار