راجہ اکرام

اتوار کی رات کو اٹلی کے دارالحکومت روم میں ایک پر تکلف تقریب میں شرکت کرنے والی دو سو کے لگ بھگ حسینائیں اس وقت حیرت سے دنگ رہ گئیں جب ان کی اشتہا آور کھانوں اور کاک ٹیل کے بجائے تبلیغ اسلام سے تواضع کی گئی۔

تقریب میں پہنچ کر انہیں معلوم ہوا کہ ان کے میزبان لیبیا کے رہنما معمر قذافی ہیں جو اقوام متحدہ کے زیر اہتمام فوڈ کانفرنس میں شرکت کے لیے روم آئے ہوئے تھے۔

ان حسیناؤں سے بات چیت کے دوران مسٹر معمر قذافی نے انہیں اسلام قبول کرنے کی دعوت دی۔ انہوں نے اطالوی حسیناؤں کے سامنے کھل کر اسلام کے فضائل بیان کئے اور انہیں بتایا کہ اسلام کے بعض ناقدین کے دلائل کے برعکس اسلام خواتین مخالف نہیں ہے۔

اس تقریب میں شرکت کرنے کے لیے ان خواتین کو سخت انتخابی مراحل سے گزرنا پڑا تھا، اس کے باوجود کہ ان میں سے کسی کو بھی میزبان کی شناخت کے بارے میں نہیں بتایا گیا تھا۔

خوبصورتی کے علاوہ ان خواتین کے انتخاب کے لیے جو معیار مقرر گیا تھا وہ یہ تھا کہ ان میں سے کوئی بھی پندرہ سال سے کم یا پینتیس سال سے زائد عمر کی نہ ہو اور قد پانچ فٹ سات انچ سے کم نہ ہو۔

تقریب میں شرکت کے لیے ڈریس کوڈ بھی خاصا سخت تھا۔ کھُلے گلے والی شرٹوں اور چھوٹے سائز کی مِنی سکرٹوں کے ساتھ تقریب میں شرکت کرنے کے ممانعت تھی۔

ان دو سو خواتین کو پہلے ایک جگہ جمع کر کے مقررہ معیار کے مطابق ان کا جائزہ لیا گیا اور پھر انہیں بسوں میں بٹھا کر اطالوی دارالحکومت کے پوش رہائشی علاقے میں لایا گیا۔

سکیورٹی کے مراحل سے گزار کر انہیں ایک پرشکوہ استقبالیہ کمرے میں لایا جہاں انہیں کچھ دیر انتظار کرنا پڑا۔ ان میں سے کئی خواتین نے شکایت کی ہے کہ وہاں تو پینے کے لیے پانی کا ایک گلاس تک نہیں تھا۔

ایک گھنٹے بعد انہیں میزبان کی شناخت سے آگاہ کیا گیا۔

اس کے بعد کرنل قذافی وہاں آئے اور انہوں نے ان کے سامنے اسلام کی تبلیغ کی۔ اسلام کی برکات کا ذکر کرتے ہوئے انہوں نے حسیناؤں کو یقین دلایا کہ اسلام زن بیزار مذہب نہیں ہے۔

دو گھنٹے بعد جب حسینائیں وہاں سے روانہ ہوئیں تو وہ کسی حد تک حیرت زدہ تھیں۔ انہیں تقریب میں شرکت کرنے کے لیے پچاس یورو کے علاوہ قرآن کے نسخے تحفے کے طور پر پیش کیے گئے تھے۔

ماخذ

__________________
محتاج اصلاح و دعا

احمدنواز

کمال کر دیا قذافی صاحب نے ؎؎؎؎؎؎؎؎؎؎

راجہ اکرام

جناب صرف کمال ہی نہیں بلکہ کمال باجمال کیا ہے۔۔

فاروق سرورخان

قذافی صاحب نے خواہ مخواہ تکلیف کی۔ یہاں، پاک نیٹ ‌سے اگر کسی نوجوان اور خوبصورت بھائی کو بھیج دیتے تو کیا پتہ ، شاید ان میں‌ سے کوئی مسلمان ہو کر ساتھ ہی چلی آتی

__________________
فاروق سرور خان
ترے ضمیر پہ جب تک نہ ہو نزول کتاب
گرہ کشـا ہے نـہ رازی نـہ صـا حب کشـاف

احمدنواز

صر ف نوجوان ہی کیوں ؟،
یہ خدمت توآپ جیسا خوش مزاج بزرگ بھی اچھے طریقے کر سکتاھے ۔۔

فاروق سرورخان

زیادہ بہتر یہ ہوتا کہ جناب قذافی پاکستان سے مدد لیتے ، اس معاملے میں یہ ہمیشہ نکمے رہے ہیں۔
رہ گیا میں تو میں آپ کی چاچی سے بہت خوش ہوں

احمدنواز

دوسری چاچی ہو تو خوشی دوگنی ہو جائیگی ۔۔۔۔۔۔۔۔

فاروق سرورخان

بھائی دادا بن چکا ہوں ، آپ کا سہرا باندھ کر بہت خوشی ہوگی
تمہاری چاچی کو بتا رہا ہوں ،،، یہ سوچو کہ لمبے کانوں والا دولہا کیسا لگے گا

راجہ اکرام

یہ ادھر کیا کھچڑیاں پک رہی ہیں۔۔
قذافی صاحب کے اقدام کی تحسین کے بجائے آپ لوگ حسیناؤں کے چنگل میں پھنس گئے۔

عامرشہزاد

دشمنوں کا یہی کام ہیں کہ ان کو آپس میں لڑائی کروں

احمدنواز

یہاں تو پیار محبت کی لڑائی ہو رہی ہے جناب ؎

راجہ اکرام

قذافی صاحب کی تبلیغ کے کچھ نتائج برآمد ہونے کی اطلاعات ہیں اگر کسی کے پاس تو ہمیں بھی بتائیں

حیدر

قذافی صاحب چاہیں تو مستقبل میں اسلام کی تبلیغ اس سے بھی زیادہ جدید خطوط پر کروانے کے لیے "ایسے مواقع پر"میری خدمات مفت حاصل کر سکتے ہیں۔ میں شیدائی ۔ ۔ ۔ ہوں۔
چچا فاروق میاں کبھی ایسا کوئی موقع آئے تو مجھے فون کر دینا یاد سے۔

راجہ اکرام

بدر بھائی
آپ بھی ؟؟؟؟؟؟؟؟؟؟؟؟؟

حیدر

ہاں بھائی میں بھی "ویلا" ہوں