عبدالقدوس

پاکستان کے دو سابق وزرائے اعظم امریکا کے ریڈیو پروگرام ”آج شام“ میں آمنے سامنے آئے اور ایک دوسرے سے سلام دعا کی۔ صوتی منظر کچھ یوں تھا کہ بے نظیر بھٹو کراچی سے براہ راست پروگرام کے میزبان سے گفتگو کررہی تھیں۔ اسی دوران جدہ سے نواز شریف بھی براہ راست فون لائن پر پروگرام میں شریک ہوگئے۔ اس موقع پر دونوں کے درمیان کچھ یوں مکالمہ ہوا۔ میزبان میاں نواز شریف‘ اسلام علیکم‘ نواز شریف : وعلیکم سلام‘ بی بی : میں بھی السلام علیکم کہنا چاہتی ہوں میاں صاحب کو‘ نواز شریف : بی بی‘ خیریت سے ہیں آپ‘ بی بی : مہربانی‘ آپ کیسے ہیں؟ نواز شریف : اللہ کا شکر ہے۔ دیکھئے پاکستان کا کیا حشر ہورہا ہے‘ بی بی : بالکل‘ بہت افسوسناک بات ہے‘ نواز شریف : اچھا ہے جعفری صاحب نے آپ کی اور میری ملاقات کرادی‘ بی بی : بالکل میاں صاحب۔

__________________