چاچا کمال

پاکستان پیپلز پارٹی کی سربراہ بینظیر بھٹو کے قتل کے الزام میں گرفتار قاری سیف اللہ اختر نے بینظیر کی تازہ کتاب کے پبلشر اور پرنٹرز کے علاوہ اسے فروخت کرنے والوں اور محترمہ کے قانونی ورثا کو بیس کروڑ ڈالر کے ہرجانے کا نوٹس جاری کر دیا ہے۔

قاری سیف اللہ ماضی میں کئی جہادی تنظیموں میں سرگرم رہے ہیں۔ وہ کئی مرتبہ حراست میں بھی رہے ہیں تاہم ان پر کبھی مقدمہ نہیں چلا ہے۔
قاری سیف اللہ کے وکیل حشمت حبیب کی جانب سے جاری کیے گئے نوٹس میں درج مطالبات کو منظور کرنے کے لیے چودہ دن کا وقت دیا گیا ہے جس پر عمل درآمد نہ ہونے کی صورت میں باقاعدہ عدالتی کارروائی شروع کی جاسکتی ہے۔

جن کمپنیوں کو یہ نوٹس جاری کیے گئے ہیں ان میں سائمن اینڈ شُسٹر، میکیز آف چیٹھم لمیٹڈ، مسٹر بک اسلام آباد، اے آر وائی شاپنگ چینل شامل ہیں۔

نوٹس میں ان کمپنیوں یا افراد سے ان کے مؤکل کا نام لینے پر بین الاقوامی اور قومی ذرائع ابلاغ میں غیرمشروط معافی، اس کتاب کی فروخت فوری طور پر بند کر کے کتابوں کی واپسی اور ان سے ان حصوں کو حذف کرنا جن میں قاری سیف اللہ کا ذکر ہے اور کراچی سی آئی ڈی پولیس سے قاری سیف اللہ کو ہراساں کرنے سے منع کرنا شامل ہیں۔