ابو کاشان

پیرس (نمائندہ جنگ) فرانس میں مقیم مختلف ممالک کے چھ سو سے زائد مسلمان حج کی سعادت سے محروم رہ گئے۔ حج کے خواہشمند یہ افراد جمع کرائی گئی رقم سے بھی محروم ہوگئے ہیں۔ ان میں اسی (80) پاکستانی بھی شامل ہیں۔ تفصیلات کے مطابق یورپی ممالک میں مقیم مسلمان فریضہ حج کی ادائیگی کیلئے علمائے اکرام کی معرفت سعودی عرب کا ویزہ حاصل کرتے ہیں اور گروپوں کی شکل میں حج کے فریضہ کی ادائیگی کیلئے جاتے ہیں۔ اس سال بھی متعدد وفود نے فریضہ حج کی ادائیگی کیلئے فی کس دو ہزار چار سو یورو ٹریول ایجنٹ کو دیئے جس نے ویزا اور رہائش، ٹرانسپورٹ کا انتظام کرنا تھا۔ تاہم یہ ایجنٹ ویزا سمیت دیگر انتظامات کا بندوبست کرنے میں ناکام رہا جس کے باعث 6 سو سے زائد افراد فریضہ حج کی ادائیگی سمیت اپنی رقوم سے محروم ہوگئے جس میں 80 پاکستانی بھی شامل ہیں۔ ایجنٹ لاپتہ ہے جبکہ پولیس کو واقعے سے آگاہ کردیا گیا ہے۔