ابن ضیاء

لاڑکانہ (بیورو رپورٹ)پی پی پی شہید بھٹو کی سربراہ غنویٰ بھٹو نے کہا ہے کہ اگر فاطمہ بھٹو اور ذوالفقار جونیئر سیاسست میں آئیں گے تو ان کی زندگیوں کو خطرہ لاحق ہو جائے گا اس لئے انہیں فی الحال سیاست سے دور رکھا جائے گا ۔ وہ المرتضیٰ ہاؤس لاڑکانہ میں پی پی شہید بھٹو صوبہ سندھ کی کونسلکے اجلاس سے خطاب کر رہی تھیں۔انہوں نے مزید کہا کہنوڈیرو میں امین فہیم کا ذوالفقار جونیئر سے بات نہ کرنا افسوسناک ہے۔ انہوں نے کہا پنجاب کے لوگ محب وطن ہیں لیکن اسلام آباد میں بیٹھنے والے اقتدار پر قابض ہیں اور سازشوں کے ذریعے عوامی حقوق غضب کئے ہیں اس لئے عوام پورے پنجاب کو تنقید کا نشانہ نہ بنائیں۔انہوں نے اعلان کیا کہ انتخابات کے بعد ملک بھرمیں پی پی پی شہید بھٹو کو ری آرگنائیز کیا جائے گا اور یونین کونسل سے لیکر چیرپرسن تک انتخابات کرواکر پی پی پی شہید بھٹو کو مکمل طور پر ایک جمہوری پارٹی بنائیں گے ۔سندھ اور پنجاب میں پارٹی کو مضبوط کرنے کے بعد فاطمہ بھٹو اور ذوالفقار جونیئر کو سیاست میں لاکر عوام کا خواب پورا کریں گے۔