چاچا کمال

پاکستان میں ایمرجنسی کے نفاذ پر عالمی برداری کی طرف سے سامنے آنے والے رد عمل میں زیادہ ترممالک نے افسوس اور پریشانی کا اظہار کیا ہے اور ملک میں آزادانہ اور منصفانہ انتخابات کے انعقاد پر زور دیا ہے۔
امریکہ کی وزیر خارجہ کونڈولیزرائس نے جنرل مشرف کے اس اقدام کو افسوس ناک قرار دیا جبکہ واشنگٹن میں وائٹ ہاؤس کے ترجمان نے اپنے رد عمل میں کہا کہ امریکی حکومت اس اقدام پر پریشان ہے۔

امریکی وزارتِ دفاع نے کہا کہ جنرل مشرف کے اس اقدام سے پاکستان اور امریکہ کے درمیان دفاعی تعاون اور دہشت گردی کے خلاف جنگ میں اشتراک پر کوئی اثر نہیں پڑے گا۔

پینٹاگن کے ترجمان جیف مورل نے کہا کہ وزیر دفاع رابرٹ گیٹس پاکستان کی صورت حال پر نظر رکھے ہوئے ہیں۔ رابر گیٹس ان دنوں چین کے دورے پر ہیں اور جیف مورل ان کے ہمراہ ہیں۔

انہوں نے کہا کہ اس معاملے کو امریکہ کی طرف سے وزیر خارجہ کونڈولیزرائس دیکھ رہی ہیں اور وزیر دفاع رابرٹ گیٹس کا جنرل مشرف سے کوئی رابط نہیں ہوا ہے اور نہ ہی ان کا رابط کرنے کا کوئی ارادہ ہے۔

برطانوی وزیر خارجہ ڈیوڈ ملی بینڈ نے کہا ہے کہ وہ اس صورت حال پر شدید فکرمند ہیں۔ بھارت کے دارالحکومت نئی دہلی میں ایک سرکاری ترجمان نے کہا کہ پاکستان جن مشکل حالات سے گزر رہا ہے اس پر بھارت کو افسوس ہے۔

کینیڈا کی حکومت نے جنرل مشرف کے اس اقدام کی شدید مذمت کی ہے۔ یورپی یونین نےبھی سخت رد عمل کا اظہار کیا ہے اور کہا ہے کہ پاکستان کو جلد عوام کی حکمرانی اور جمہوریت کی طرف لوٹنا چاہیے۔

دولت مشترکہ ک سیکریٹری جنرل ڈون میکینن نے کہا ہے جنرل مشرف کا یہ اقدام غلط سمت میں ایک قدم ہے اور جمہوری عمل کا ایک شدید دھچکا ہے۔

سویڈن کے وزیر خارجہ کارل بلڈٹ نے خبردار کیا یہ اقدام ملک میں تشدد کو مزید ہوا دےگا۔ انہوں نے کہا کہ تشویش ناک ہے اور ایک پاکستان کے مسائل کا حل نہیں ہے۔

وائٹ ہاوس کے ایک ترجمان نے پریشانی کا اظہار کرتے ہوئے کہا کہ صدر مشرف کو چاہیے کہ وہ ملک میں آزادانہ اور منصافہ انتخابات کرانے کے اپنے وعدے پر قائم رہیں۔

ترجمان نے جنرل مشرف پر زور دیتے ہوئے کہا کہ انہیں صدر کا حلف لینے سے قبل اپنی وردی اتار دینی چاہیے۔

افغانستان کے صدر حامد کرزئی کے ترجمان نے کہا کہ وہ پاکستان کی صورت حال پر کڑی نظر رکھے ہوئے ہیں۔

دریں اثناء بیرون ملک پاکستانی ملک میں ایمرجنسی کے نفاذ پر شدید اضطراب اور پریشانی کا شکار ہیں۔

امریکہ کے شہر نیویارک میں پاکستانیوں نے ایمرجنسی کی خبریں سنتے ہی ایک مظاہرہ کیا جس میں جنرل مشرف کے خلاف نعرے بازی کی گئی۔

بشکریہ بی بی سی

عروج

بھئی حقیقتاً دلآزاری سب کو ھوئی تھی۔

عبداللہ حیدر

السلام علیکم،
چاچا کمال آجکل کدھر ہوتے ہیں؟‌ کبھی ان کے دم سے فورم پر ہل چل ہوا کرتی تھی۔

عدنان دانی

یہ پرانی خبر سامنے لانے کی کیا۔۔۔۔۔۔۔۔۔۔۔۔۔۔۔۔۔۔۔۔؟