عبدالقدوس

صدر کی جانب سے چائنا موبائل کے پاکستان بھر میں موبائل سروس کی فراہمی کے منصوبے کا خیرمقدم
کراچی (پ ر) چائنا موبائل کے وفد سے گفتگو کرتے ہوئے صدر پاکستان پرویز مشرف نے پاکستان بھر میں موبائل سروس کی فراہمی کے چائنا موبائل کے منصوبے کو سراہا ہے۔ وفد نے کیمپ آفس راولپنڈی میں صدر سے ملاقات کی۔صدر کو بتایا گیا کہ اس منصوبے کی تکمیل کے لیے 10,000 سیل سائٹس کی ضرورت پڑے گی اور چائنا موبائل اس کو پایہ تکمیل تک پہنچائے گا۔ اس موقع پر صدر پاکستان نے حال ہی میں Davos میں منعقد ہونے والے ورلڈ اکنامک فورم میں چائنا موبائل کے چیئرمین جناب وانگ سے ملاقات کا بھی ذکر کیا۔ وفد نے صدر کو پاکستان میں کمپنی کی سرمایہ کاری اور توسیعی منصوبوں سے آگاہ کیا۔ صدر نے چین سے باہر چائنا موبائل کی جانب سے پیش کی جانے والی ویلیو ایڈیڈ سروسز میں گہری دلچسپی کا اظہار کیا اور دونوں ممالک کے دیہی علاقوں میں مماثلت کی نشاندہی کی۔ وفد میں گویونگ ہونگ، چائنا موبائل پاکستان کے سی ای او اور ڈائریکٹر مارکیٹنگ سلمان واسع شامل تھے۔

__________________