وجدان

بڑی تعداد میں ماہرین کے اکھٹا ہونے سےان پرندوں کی اہمیت کااندازہ ہوتاہے
دنیا کے ساٹھ ممالک سے تعلق رکھنے والے ماہرین شکار کھیلنے والے پرندوں کو لاحق خطرات سے نمٹنے کی حکمت عملی طے کرنے کے لیے برطانیہ میں لوخ لومونڈ میں اکھٹے ہو رہے ہیں۔
ماہرین اجلاس کے دوران ایشیا، یورپ اور افریقہ میں پرندوں کی مختلف اقسام کو بچانے کے لیے ایک عالمی معاہدے کا مسودہ تیار کرنے کی کوشش کریں گے۔

شاہین، عقاب اور چیل پرندوں کی ان ستتر اقسام میں شامل ہیں جن کو ان کوششوں سے فائدہ ہو سکتا ہے۔ اس اجلاس کا مقصد دنیا بھر کے ماہرین کے تجربے سے مستفید ہونا ہے۔ امید کی جا رہی ہے کہ اجلاس کے ذریعے مستقبل میں منصوبوں کے لیے وسائل بھی اکٹھے کیے جا سکیں گے۔

برطانیہ کی ماحولیات کی وزیر جون روڈوک نے جو اس اجلاس میں شرکت کر رہی ہیں کہا ہے کہ ’اس میں کوئی شک نہیں کہ یہ خوبصورت پرندے شدید خطرے میں ہیں۔ ہم نے ان کو بچانے کا عزم کیا ہے‘۔

برطانوی وزیر نے پرندوں کو بچانے کے عملی پروگرام کے لیے دس ہزار پاؤنڈ دینے کا اعلان بھی کیا۔

پرندوں کو بچانے کا یہ مجوزہ معاہدہ توقع ہے آئندہ سال متحدہ عرب امارات میں ہونے والے اجلاس میں طے پائے گا۔

شکار کھیلنے پرندوں کی تعداد میں کمی میں انسانی عمل دخل بھی ہے جن جنگلات کی کٹائی، پرندوں کی پناگاہوں کا خاتمہ اور بجلی کے کھمبے۔

اس کے علاوہ ماحولیاتی تبدیلی اور غیر قانونی شکارسے بھی پرندوں کی افزائش پر اثر پڑا ہے۔


یہ تو تھی رپورٹ دنیا کے بارے میں!

اور ہمارے ہاں، انسانوں کا بچنا مشکل ہوتا جا رہا ہے،