عبدالقدوس

شوکت عزیز اہلیہ کے ہمراہ بیرون ملک روانہ عرب امارات میں ذاتی سرمایہ کار کمپنی قائم کرینگے
اسلام آباد (رپورٹ:....صالح ظافر) سابق وزیراعظم شوکت عزیز اتوار کو اپنی اہلیہ بیگم رخسانہ عزیز کے ہمراہ لندن روانہ ہوگئے۔ذرائع کے مطابق انہوں نے خلیجی خطے میں قیام کا منصوبہ بنایا ہے اور وہ متحدہ عرب امارات میں اپنی ایک سرمایہ کار کمپنی قائم کرینگے ۔اس بات کا امکان ہے کہ ان کا یہ دورہ طویل ہوگا اور اس وجہ سے وہ فروری میں ہونے والے عام انتخابات میں اپنا ووٹ ڈالنے کیلئے ملک میں موجود نہیں ہو ں گے۔ 15 نومبر 2007ء کو وزارت عظمیٰ کے منصب سے سبکدوش ہونے کے بعد وہ پہلی مرتبہ بیرون ملک گئے ہیں۔وہ کچھ دن لندن میں مقیم اپنی بیٹی کے پاس گزاریں گے۔ شوکت عزیز رواں ماہ کے آخر میں سوئٹزر لینڈ کے شہر ڈیووس بھی جائیں گے جہاں وہ عالمی اقتصادی فورم کے اجلاس میں ذاتی حیثیت میں شرکت کریں گے۔ سابق وزیراعظم نے لندن روانگی سے قبل ہفتہ کو صدر پرویز مشرف سے بھی ملاقات کی اور ان سے ملک کی سیاسی و اقتصادی صورتحال پر تبادلہ خیال کیا۔

__________________