پاکستانی

شنگھائی سمندری طوفان کی زد میں آنے سے بچ گیا



چین کے ماہرینِ موسمیات نے کہا ہے کہ سمندری طوفان ویپھا چین کے مشرقی ساحل سے ٹکرا گیا ہے تاہم اس کی شدت میں کمی آگئی تھی اور شنگھائی اس کی لپیٹ میں نہیں آئے گا۔



عہدے داروں نے بدھ کے روز طوفان کے صوبے زیجیانگ سے ٹکرانے سے قبل شنگھائی اور قریبی ساحلی صوبوں سے لگ بھگ 20 لاکھ افراد کو وہاں سے نکال لیا تھا۔



چین کے سرکاری خبر رساں ادارے زن ہوا نے کہا ہے کہ طوفان سے 669 مکانات تباہ ہو گئے اور 109 قصبوں اور دیہاتوں میں بجلی کی فراہمی میں خلل پڑا۔



زن ہوا نے کہا ہے کہ حکومت کی ہنگامی امدادی ٹیم نقصان کا اندازہ لگا رہی ہے۔ سرکاری میڈیا نے صرف ایک ہلاکت کی خبر دی ہے۔

September 19, 2007

ماہرین موسمیات کا کہنا ہے کہ ویپھا شمالی جانب بڑھ رہا ہے اور امکان ہے کہ وہ شنگھائی سے براہ راست نہیں ٹکرائے گا جیسا کہ اس سے قبل توقع کی گئی تھی۔



چین کو اپنا نشانہ بنانے سے قبل ویپھا نے شمالی تائیوان کو اپنی زد میں لیا جس کے نتیجے میں وہاں اسکول، دفاتر اور کاروباری مراکز بند ہوگئے۔

__________________