راجہ اکرام

شمالی وزیرستان میں حکام کا کہنا ہے کہ امریکی جاسوسی طیاروں نے دو مختلف حملوں میں مبینہ عسکریت پسندوں کے ایک کمپاؤنڈ کو نشانہ بنایا ہے اور ان حملوں میں گیارہ مبینہ عسکریت پسند ہلاک ہوگئے ہیں۔

پولیٹیکل حکام کا کہنا ہے کہ پہلے حملے میں امریکی جاسوسی طیاروں نے بدھ کی شام تقریباً سوا چار بجے شمالی وزیرستان کے دتہ خیل میں عسکریت پسندوں کے ایک مرکز پر دو میزائل داغے۔ ان کے مطابق اس حملے میں پانچ مبینہ عسکریت پسند ہلاک ہوگئے۔

حکام کا کہنا ہے کہ پہلے حملے کے تقریباً ایک گھنٹے بعد امریکی جاسوسی طیاروں نے اسی مقام کو دوبارہ نشانہ بنایا جس سے وہاں موجود مزید چھ افراد ہلاک ہوگئے۔ ان کے بقول دوسرا حملہ اس وقت ہوا جب مبینہ عسکریت پسند ملبے سے اپنے ساتھیوں کی لاشیں نکالنے میں مصروف تھے۔

تاہم حکام کا کہنا ہے کہ بقول سرِدست یہ معلوم نہیں ہوسکا ہے کہ ہلاک شدگان میں غیر ملکی جنگجو یا مقامی طالبان کا کوئی اہم رکن شامل ہے یا نہیں۔ حکام نے ہلاکتوں میں اضافے کا خدشہ بھی ظاہر کیا ہے۔

پچھلے ایک ہفتے کے دوران شمالی وزیرستان میں ہونے والا یہ پانچواں ڈرون حملہ ہے۔

یہ حملے جس علاقے میں ہوئے ہیں اسے حقانی نیٹ ورک کا گڑھ سمجھا جاتا ہے۔ گزشتہ کچھ عرصے میں شمالی وزیرستان میں امریکی جاسوسی طیاروں کے حقانی نیٹ ورک کے زیر اثر علاقے پر حملوں میں اضافہ ہوا ہے۔ امریکی حکام کا کہنا ہے سرحد پار افغانستان میں اتحادی افواج پر حملوں میں یہ نیٹ ورک مبینہ طور پر ملوث ہے۔

امریکہ پاکستان سے حقانی نیٹ ورک کے خلاف کاروائی کا مطالبہ کرتا آرہا ہے تاہم پاکستانی حکام ایسا کرنے سے کتراتے رہے ہیں۔ پاکستان کا کہنا ہے کہ سکیورٹی فورسز پہلے ہی جنوبی وزیرستان میں کارروائیوں میں مصروف ہیں اور آپریشن کا دائرہ بڑھانا فوجی لحاظ سےممکن نہیں ہے۔

بی بی سی اردو

__________________
محتاج اصلاح و دعا

منتظمین

ایک ادھ دن میں تٍفصیل مل جائے گی۔ یہ عام شہری تھے یا جگہ جگہ پھٹنے والے جاہل۔

راجہ اکرام

میرے خیال میں پتہ چل گیا ہو گا کہ کون تھے
جو لوگ مکان کے ملبے سے لاشیں نکال رہے تھے ان پر بھی میزائل داغے گئے اور 15 ہلاک کر دئیے گئے ۔۔۔۔۔۔۔۔۔۔ بے چارے مجرم