خرم شہزاد خرم

سیفما کے وفد کی آصف زرداری سے تعزیت



کراچی (اسٹاف رپورٹر) پاکستان پیپلزپارٹی کی چیئرپرسن سابق وزیراعظم اور شہید جمہوریت محترمہ بینظیر بھٹو کی شہادت کے نویں روز بھی بھٹو ہاؤس گڑھی خدا بخش پر پاکستان پیپلزپارٹی کے شریک چیئرپرسن آصف علی زرداری سے تعزیت کرنے والوں کا تانتا بندھا رہا۔ بلاول ہاؤس سے جاری کردہ اعلامیے کے مطابق بھٹو ہاؤس نوڈیرو میں آصف علی زرداری سے تعزیت کرنے والوں میں سابق گورنر بلوچستان جنرل ریٹائرڈ عمران اللہ، جنرل ریٹائرڈ عبدالقادر بلوچ، سابق گورنر بلوچستان، پختون خواہ ملی عوامی پارٹی کا 20 رکنی وفد مرکزی رہنما سینیٹر نواب ایاز خان جوگیزئی، Safma سے تعلق رکھنے والے نجم سیٹھی، منو بھائی، ڈاکٹر جبار خٹک، محترمہ صدف ارشاد، احمد رشید اور دیگر نے سیفما کے سیکرٹری جنرل امتیاز عالم کی سربراہی میں صوبہ سرحد کے پیپلز لائرز فورم نے بیرسٹر مسعود کوثر کی سربراہی میں، علی قاضی، پاکستان بار کونسل، سپریم کورٹ بار کونسل اور ہائی کورٹ بار ایسوسی ایشن ملتان کا وفد حبیب اللہ شاکر کی سربراہی اور پاکستان پیپلزپارٹی شمالی علاقہ جات کا وفد شامل تھا۔ مذکورہ وفود نے پاکستان پیپلزپارٹی کے شریک چیئرمین سینیٹر آصف علی زرداری کو اپنی حمایت کا مکمل یقین دلایا اور شہید محترمہ بینظیر بھٹو کی شہادت کو فیڈریشن کے خلاف سازش قرار دیا۔