مسٹر گرزلی

لندن (جنگ نیوز) سنگل سپیڈ کیمرے کی مدد سے صرف تین ہفتوں میں 72000 پونڈ جرمانہ جمع ہوا۔ گیٹسو 12000 موٹرسئس کو تیز رفتاری پر پکڑا۔ یہ سپیڈکیمرہ A56 ایکرنگٹن بائی پاس لنکاشائر پر روڈ ورکس کے ساتھ نصب ہے اور یہ 50 میل فی گھنٹہ کی حد کی خلاف ورزی کرنے والی گاڑیوں کو پکڑتا ہے۔ اس کیمرے نے سال میں ایک کیمرے کی اوسط کارکردگی سے سات گنا کارکردگی صرف تین ہفتوں میں دکھائی ہے۔ ہینڈبرن لیبر ایم پی گریگ پوپ نے کہاکہ بہت سے ڈرائیوروں کو اس وقت تیز رفتاری پر پکڑا گیا جب روڈ پر کوئی شخص کام نہیں کررہا تھا اور ڈرائیونگ کافی محفوظ تھی۔ ایل ویلی ٹو ای ایم پی نائیجل ریفرنر نے کہاکہ گیٹسو کیمرا مئی کے آخر میں لگایا گیا اور اس کا کام رش آور میں تیز رفتار گاڑیوں کو پکڑنا ہے۔ A56 پر یہ کیمرا مزید 13 ہفتے لگا رہے گا اگر اس رفتار سے ڈرائیور اس کی زد میں آتے رہے تو اس مدت میں 312000 پونڈ جرمانے ہوں گے۔ زیادہ سے زیادہ رفتار 94 میل فی گھنٹہ تھی لیکن بیشتر کو 60 میل فی گھنٹہ پر جرمانے کے ٹکٹ دیئے گئے۔ لنکا شائر پولیس کا کہنا ہے کہ تیز رفتار گاڑیوں کو پکڑنے کے لیے کیمرا ضروری ہے۔