عبدالقدوس

پاکستان پیپلز پارٹی کی چیئرپرسن بینظیر بھٹو کے وکیل فاروق نائیکنے بینظیر بھٹو کو قتل کی دھمکیاں ملنے کے حوالے سے سپریم کورٹ کے چیف جسٹس افتخار محمد چوہدری کو تحریری طور پر آگاہ کر دیا گیا ہے ۔فاروق ایچ نائیک نے بدھ کو بلاول ہاؤس میں صحافیوں سے بات کرتے ہوئے بتایا کہ ان سے درخواست کی ہے کہ ملک میں امن و امان کی صورتحال تیزی سے روبہ زوال ہے اوراس دھمکی آمیز خط پر عدالت کو از خود نوٹس لینا چاہئے۔انہوں نے کہا ہے کہ بینظیر بھٹو کا نام ای سی ایل سے خارج کرنے، فول پروف سیکورٹی کی فراہمی اور سیاہ شیشوں والی کار فراہم کرنے کے بارے میں خطوط کا حکام نے تاحال کوئی جواب نہیں دیا ہے۔ بے نظیر بھٹو کی درخواست پر سانحہ کراچی کی ایف آئی آر درج نہ کی گئی تو عدالت سے رجوع کریں گے۔انہوں نے مزید کہا کہ چیف جسٹس سانحہ کراچی کا بھی ازخود نوٹس لیں۔ انہوں نے کہا کہ بے نظیر کا نام ایگزٹ کنٹرول لسٹ میں شامل ہے اس پر ہم نے سخت احتجاج کیا ہے۔

بشکریہ
جنگ

__________________