عبدالقدوس

سٹی ناظم عوام کو سفر کی بہتر سہولتیں بھی فراہم کریں، پاسبان
کراچی (پ ر) پاسبان کراچی کے صدر سید اشرف حسین نے کہا ہے کہ سٹی ناظم کراچی سائٹ تا ایئر پورٹ سگنل فری کوریڈور پر خوبصورت بس اسٹاپ بنانے کے بعد کراچی بھر میں عوام کو سستے کرایوں میں عمدہ سفر کی سہولتیں بھی فراہم کریں، سی این جی بسیں سڑکوں پر لائی جائیں، خوبصورت بس اسٹاپس پر آدمی چند منٹ کھڑا ہو کر یا بیٹھ کر آدمی جو سکون محسوس کرتا ہے وہ تباہ حال منی بسوں اور کوچز میں، یا پائیدانوں پر لٹک کر، چھت پر تکلیف دہ حالت میں بیٹھ کر، دو تنگ سیٹوں کے درمیان کھڑے ہو کر جو اذیت ملتی ہے وہ ناقابل بیان ہے۔ انہوں نے کہا کہ سگنل فری کوریڈور میں غلط مقامات پر بس اسٹاپس بنانے کا سٹی ناظم پہلے ہی نوٹس لے چکے ہیں بیورو کریسی عوام کو سہولتوں سے فائدہ اٹھانے نہیں دیتی۔ لندن طرز کے بس اسٹاپس عوام کیلئے اسی وقت فائدہ مند ہو سکتے ہیں جب شہر میں سستے کرایوں میں سفر کی سہولتیں ہوں۔ انڈر پاسز اور شاہراہیں اسپیڈ بریکر اور گڑھوں سے پاک ہوں ٹریفک جام سے نجات ملے، تجاوزات مافیا اور ٹرانسپورٹ مافیا کو عوام پر ظلم ڈھانے سے روک دیا جائے۔

__________________