عبدالقدوس

کراچی (اسٹاف رپورٹر) سندھ ہائی کورٹ کے چیف جسٹس مسٹر جسٹس محمد افضل سومرو، مسٹر جسٹس منیب احمد خان، مسٹر جسٹس ندیم اظہر صدیقی، جسٹس قیصر اقبال، مسٹر جسٹس ڈاکٹر رانا محمد شمیم پر مشتمل فل بنچ نے سانحہ 12/ مئی کے سلسلے میں درخواست گزاروں کو دوبارہ نوٹس جاری کر نے کا حکم دیا ہے اور سماعت کے لئے 14/ دسمبر مقرر کی ہے ایڈووکیٹ جنرل سندھ مسعود نورانی اور اعلیٰ پولیس افسران کے وکیل راجہ قریشی ایڈووکیٹ نے یہ موقف اختیار کیا کہ سندھ ہائیکورٹ کو ازخود کارروائی کا اختیار نہیں ہے یہ اختیار صرف سپریم کورٹ کو ہے پولیس کی تفتیش میں بھی مداخلت نہیں کی جاسکتی ہے درخواست قابل سماعت نہیں ہے سرکاری وکلاء نے کہا کہ عدالت کے معاون وکلاء فائز عیسیٰ اور خالد انور عدالت میں نہیں آرہے ہیں اور انہوں نے عدالتی کارروائی کا بائیکاٹ کر رکھا ہے جبکہ عدالتی معاون بیرسٹر قاضی فائز عیسیٰ نے ایک درخواست کے ذریعے اس معاملے کی پہلے والے بنچ ہی سے سماعت کرانے کا مطالبہ کر رکھا ہے اور انہوں نے اس کی ایک کاپی ہائی کورٹ بار کے نوٹس بورڈ پر بھی چسپاں کر رکھی ہے اس لئے عدالت کو چاہئے کو کہ اس معاملہ کو ان کی عدم موجودگی میں نمٹادے۔

__________________