منتظمین

بریلوی سنی مسلمانوں کے بڑے عالم دین ڈاکٹر سرفراز نعیمی اپنی سادگی کے ہاتھوں زندگی کی بازی ہار گئے۔

کچھ عرصہ قبل کی بات ہے کہ میں ایک خبر پر ان کا موقف لینے کے لیے اسی دفتر میں ان کا منتظر بیٹھا تھا جہاں انہیں ہلاک کیا گیا ہے۔

دورانِ انتظار ان کے ایک شاگرد نے لوہے کہ گلاس میں مجھے پانی پلایا اور تھوڑی دیر کے بعد میں یہ دیکھ کرحیران رہ گیا کہ ڈاکٹر سرفراز نعیمی ستر سی سی کی ایک پرانی موٹر سائیکل پر تشریف لا رہے ہیں۔ انہوں نے احتیاط سے موٹرسائیکل پارک کی اور چہرے پر مسکراہٹ سجا کر اپنے نرم چھوٹے ہاتھوں سے مصافحہ کیا۔

میں نے ایک بار پھر دفتر کے اندرونی دروازے سے جھانک کر پہلے جامعہ نعیمیہ کی اس وسیع و عریض عمارت کو دیکھا جہاں چودہ سو طلبہ کو تعلیم، رہائش اور کھانے پینے کی سہولت حاصل ہے اور پھر اہلسنت کی پچیس جماعتوں کے اتحاد کے سربراہ، پانچ ہزار مدارس کے سرپرست اعلی کی جانب دیکھا۔ان کے مدرسے میں زیر تعلیم غریب یتیم اور مسکین بچوں کا جیسا حلیہ تھا بالکل ویسا ہی حلیہ ان کے مہتمم اعلی علامہ مفتی سرفراز نعیمی کا بھی تھا۔

عام سی شلوار قمیض جسے کلف تو دور کی بات استری کی بھی ضرورت نہیں ہوتی۔کپڑے صاف ستھرے لیکن ایسے کہ بار بار کی دھلائی کے بعد ان کے رنگ اجلے نہیں رہے تھے۔ ولیوں اور صوفیوں میں پائی جانے والی سادگی صدیوں کا سفر کرکے علامہ سرفراز نعیمی میں سرایت کرچکی تھی۔

یہی وجہ ہے وہ سکیورٹی کی آڑ میں پروٹوکول کے خلاف تھے۔ان کے رشتہ داروں نے بتایاکہ طالبان کی حمایت کرنے پر انہیں مسلسل دھمکیاں مل رہی تھیں۔ اس کے باوجود ان کے جامعہ کے دروازے سب پر کھلے تھے۔حتی کہ اس پر بھی کھلے تھے جو انہیں مارنے کے لیے بارود کی جیکٹ پہن کر آیا تھا۔ عینی شاہدوں نے بتایا کہ دھماکے سے پہلے حملہ آور کافی دیر تک جامعہ اور مسجد میں پھرتا رہا تھا لیکن کسی نے اسے روکا ٹوکا نہیں کیونکہ ایسا کرنا مفتی سرفراز نعیمی کے عقیدے کے خلاف تھا۔

سرفراز نعیمی کی موت ایک طالبان کے ہاتھوں آئی اور ان کی ’غلطی‘ یہ تھی کہ انہوں نے اپنے قاتل کی اسی حرکت کو حرام قرار دیا تھا جس میں ان کی اوران کے قاتل کی جان ایک ساتھ جانا تھی۔

پنجاب پولیس کے سربراہ نے کہا کہ انہیں علم ہی نہیں تھا کہ علامہ صاحب کو اتنی دھمکیاں مل رہی ہیں اور لاہور پولیس کے سربراہ نے اعتراف کیا کہ انہوں نے ان کی سکیورٹی کا کوئی بندوبست تھا کیونکہ خود انہوں نے بھی ایسا کوئی مطالبہ نہیں کیا تھا۔ وہ جتنے بڑے عالم اور مذہبی رہنما تھے ان کے لیے بڑی سے بڑی سکیورٹی حاصل کرلینا نہایت ہی آسان تھا لیکن ان کے ساتھیوں کا کہنا ہے کہ وہ سمجھتے تھے کہ سکیورٹی کے ساتھ پروٹوکول اور غرور آتا ہے۔

انہوں نے موت قبول کرلی لیکن تکبر کا شائبہ اپنی شخصیت پر نہیں پڑنے دیا۔ وہ سادہ زندگی جیئے اور اسی سادگی میں مرگئے۔

بشکریہ بی بی سی

__________________
تم سپاہی نہیں ہو پیشہ ور قاتلو!

ام غزل

اللہ ان کے درجات بلند کرے اور ان کو جوارٍ رحمت میں جگہ دے ۔
اللہ ہمیں ان کی شہادت سے کوئی سبق حاصل کرنے کی توفیق عطا فرمائے ۔
آمین۔

رضی

اللہ ہمیں ان لوگوں کی زندگی سے کچھ سبق سیکھنے کی توفیق دے اور انہیں جوار رحمت میں جگہ دے آمین

__________________

اپنی ملت پر قیاس اقوام مغرب سے نہ تر
خاص ہے ترکیب میں قوم رسول ہاشمی

ایس اے نقوی

بی بی سی نو جو کچھ بھی انکی شخصیت پر لکھا ہے وہ بہت کم لکھا ہے
وہ واقع ایک سادہ شصخیت تھے اور حق بات کہتے تھے
انکی شہادت کے بعد راقم کو بھی متعدد فون آئے اور فقہ اہل سنت کے متعدد افرا نے روتے ہوئے انکی خوبصورت شخصیت کے ہر پہلو کو اجاگر کیا
اللہ ان پر اپنی رحمت نازل کرے اور ہم لوگوں کو انکی شخصیت سے سبق حاصل کرنے کی توفیق عطا فرمائے آمین
آج امت مسلمہ ایک ایسے عالم سے محروم ہو گئیہ ہے جس کا کوئی ثانی نہیں ہے انکی شہادت کے بعد پیدا ہونے والا خلا کبھی پر نہیں ہوسکتا اور ہم لوگ انکا قرض تا زندگی نہیں اتار سکتے

راجہ اکرام

مولانا مرحوم کی سادگی اور تواضع کا تو میں خود بھی معترف ہوں۔ میرا ذاتی مشاہدہ رہا ہے۔
اس کے علاوہ دوسروں کو سننا اور برداشت کرنا۔ اچھی بات کو فورا تسلیم کرنا اور اس طرح کی بے شمار صفات تھیں جنہیں مولانا اپنے ساتھ لےکر رخصت ہو گئے۔
امید ہے کہ ان کے پسماندگان ان روایات کو تسلسل دیں گے۔
اللہ مولانا مرحوم کو اپنی جوار رحمت میں‌جگہ دے۔ آمین

__________________
محتاج اصلاح و دعا

راجہ اکرام

سر ورق کے لئے اپلائی کر دیا ہو گا؟؟

محمدخلیل

یہ لازمی نہیں کہ ان کی موت تالی بان کے ہاتھوںآئی ہو اس مین کوئی اور سازش بھی ہو سکتی ہے۔ جس کا ابھی نقاب اتارنا لازم ہے

__________________
جب تک میری انفریکشن ختم نہیں ہوگی میں فورم میں نہیں آونگا۔

ایس اے نقوی

خلیل بھائی کی بات سے بھی اتفاق کیا جا سکتا ہے
یہ ایک سازش ہے جو کہ سماج دشمن عناصر کی ہے اس کو مذہبی رنگ دینے کی کوشش بھی کی جا سکتی ہے تاہم اس سانحے میں ایک عالم سے ہم لوگ محروم ہو گئے ہیں

ملک بھائی

اس میں "آی ایس آی" ب شامل ہو سکتی ہے کیوں کہ حکومت کو بھی مزہبی راہنمائوں کی ہمدردیاں چاہییے ہیں اجکل کے حالات کے مطابق کافی حد تک تو کامیاب بھی ہو گئے ہیں۔میں نے ٹی وی پر دیکھا ہے مولویوں نے طالبان مردہ باد کے بینر ہاتھوں میں اٹھاے ہوئے تھے۔
یہ پھر پاکستان کو ایک نئے اور خطرناک موڑ پر لے جانے کی سازش ہے۔جو کو فقہ واریت کی جنگ ہے۔کیونہ ہڑتال سنیوں کی طرف سے کال کی گئی ہے۔دیو بندیوں کے کسی عالم نے اس بارے میں کوئی بیان نہیں دیا۔"افسوس تک نہیں کیا"

خرم شہزاد خرم

میں کچھ نہیں کہتا بس انتظار کر رہا ہوں

رضی

میں آپ کی رائے سے اتفاق نہیں کرتا ۔مجھے اس بات کی سمجھ نہیں آتی دنیا میں کچھ ھو جائے دنیا کہتی ہے آئی ایس آئی کا ہاتھ ہے انکا یوں کہنا تو سمجھ میں آتا ہے مگر پاکستان میں بھی کچھ ھو جائے ہمارے اپنے پاکستانی بھی یہ کہنا شروع کر دیتے ہیں آئی ایس آئی کا ہاتھ ہو سکتا ہے۔ میرے بھائی مجھے یہ ملک دشمن عناصر کا کام لگتا ہے ۔

راشد احمد

بہت اچھی معلومات ہیں۔
ماشاء اللہ ! بہت متاثر کن شخصیت تھی

فاروق سرورخان

دوسرے دھاگہ میں دوبارا پوسٹ کرنے پر دلی معذرت:

تالی بان ایک ایسا فرقہ ہے جس کا نعرہ ہے " نظریاتی اختلاف کی سزا موت"

__________________
فاروق سرور خان
ترے ضمیر پہ جب تک نہ ہو نزول کتاب
گرہ کشـا ہے نـہ رازی نـہ صـا حب کشـاف

حیدر

مولانا کی شہادت واقعی ایک المناک سانحہ ہے۔جس کی جس قدر بھی مذمت کی جائے کم ہے۔
تاہم اس سانحہ کے بارے میں سبھی کو کچھ باتیں ذہن میں رکھنی چاہیں۔ جو بی بی سی کا مندرجہ بالا بظاہر معصوم درحقیقت مذموم آرٹیکل پڑہ کر میرے ذہن میں آیا۔

دشمنان پاکستان اس بات سے مایوس ہو چکے کہ اب وہ اس ملک میں شیعہ سنی فساد آسانی سے کروا سکیں گے۔ مساجد،امام بارگاہوں پر نہ ختم ہونے والے حملوں اور مخصوص مکتبہ فکر سے تعلق رکھنے والے اکابرین کی ٹارگٹ کلنگ سے امت مسلمہ کے دشمنوں نے کوشش کی پچھلے کئی سالوں میں کہ وہ امت کے اتحاد کو شیرازہ پارہ پارہ کر دیں۔لیکن پاکستانی مسلمانوں نے انکی تمام مذموم خواہشات کو ناکام بنا دیا اور ملک میں مذہبی روا داوری قائم رہی اور کسی قسم کے شیعہ-سنی فسادات نے جنم نہیں لیا۔
تاہم
ااب
دشمنان اسلام نے ایک نئی چال کا آغاز کیا ہے
اب ان کی کوششوں کا مرکز شیعہ-سنی فسادات کروانے کی کوشش کے ساتھ ساتھ بریلوی-دیوبندی منافرت پیدا کرنے کی طرف بھی ہو گئی ہے۔ مخصوص میڈیا اور بالخصوص مغربی میڈیا اس سلسلے میں اپنے خاص ٹیکنیک کو بروئے کار لا رہا ہے۔ اس نہ محسوس ہونے والے پروپیگنڈہ میں طالبان کو دیوبندی مکتبہ فکر کا حامل قرار دیا جا رہا ہے۔ اور یہ کہا جا رہا ہے کہ چونکہ دیوبندی طالبان ...مزارات اور عرس کے مخا لف ہوتے ہیں اسی لیے وہ بزرگان دین کے مزارات کو تباہ کر رہے ہیں۔چونکہ بریلوی مکتبہ فکر میں مزارات کو خاص اہمیت دی جاتی ہے تو اس طریقے سے طالبان-بریلوی منافرت کا آغاز کیا جا رہا ہے۔اور اس کے اشارے اس طرح بھی مل سکتے ہیں کہ طالبان کے جس شدت سے مخالف اور ان کے خلاف جس قدر مظاہرے بریلوی مکتبہ فکر سے تعلق رکھنے والے مسلمانوں نے نکالے ہیں وہ کسی اور مکتبہ فکر سے اتنا رد عمل نہیں آیا۔

بات یہاں تک رہتی تو خیر تھی...سونے پر سہاگہ وفاقی وزیر مذہبی امور کی طرف سے آیا کہ جب انہوں نے جنوبی پنجاب کے تمام مدارس کو طالبان کی پناہ گاہ اور خود کش حملہ آوروں کے مدد گار قرار دیا۔اور ان مدارس پر حملہ کی بات بھی کی۔ اتفاق کہیے یا کچھ اور جنوبی پنجاب کے مدارس کی بہت بڑی غالب اکثریت دیوبندی مکتبہ فکر سے تعلق رکھتی ہے۔اور بریلوی مکتبہ فکر سے تعلق رکھنے والے وفاقی وزیر کی ان مدارس سے مخاصمت بہت پرانی تو ہے لیکن اس قدر شدید کبھی نہ تھی ک فوج کشی کا مشورہ آتا۔
بہرکیف یہ بات سمجھ نہیں آتی کہ اگر طالبان کے خلاف شدید ترین فوجی کاروائی ہو رہی ہے ...طالبان ہر محاذ سے پسپا ہو رہے ہیں..وہ اپنی جانیں بچانے کے لیے ادھر ادھر بھاگ رہے ہیں۔۔۔روزانہ درجنوں طالبان کئ ہلاقت کی خبر آتی ہے۔ ۔ ۔ ایسے میں یہ منطقی رد عمل ہو سکتا ہے کہ وہ افواج اور ان کی حمایت کرنے والے عوام پر حملے کریں اور مزاحمت کریں لیکن یہ سمجھ نہیں آتا کہ وہ اپنی توانایاں بزرگان دین کے مزارات کو ہی تباہ کرنے میں کیوں خرچ کر رہے ہیں۔جبکہ یہی طالبان اور مزارات پچھلی 5 سال سے موجود ہیں اور کبھی ایسا نہیں ہوا۔
اسی منافرت کو پھیلانے کی مذموم کوشش کا اشارہ مندرجہ بالا آرٹیکل میں بھی موجود ہے جو کہ بی بی سی نے لکھا ہے۔ بی بی سی نے اپنے بظاہر معصوم نظر آنے والے آرٹیکل میں ایک جید اور غیر متنازعہ عالم دین کو جان بوجھ کر "دیوبندی مسلمانوں کے عالم" قرار دے کر جزباتی ذہنوں میں یہ بات ڈالنے کی کوشش کی ہے کہ اب ایک ڈیوبندی کی موت ہوئی ہے۔
اس قسم کی بظاہر معصوم درحقیقت مزموم الفاظ آہستہ آہستہ جذباتی ذہنوں کو جتا رہے ہیں کہ تمہارے پر ظلم ہو رہا ہے۔وگرنہ مجھے اس بات پر تشویش ہےکہ آخر کیوں بزرگان دین کے مزارات کو بریلوی متبہ فکر کے بزرگان دین کے مذارات اور طالبان کو دیوبندی مکتبہ فکر کے قرار دینے کی کوشش کی جا رہی ہے۔

میری آپ سب سے درخواست ہے کہ آپ بیشک میری آبزرویشنز سے اتفاق کریں یا نہ کریں لیکن کم از کم ان معاملات میں محتاط ضرور رہیں اور اپنے ارد گرد نظر رکھیں کہ کون کیا کر رہا ہے اور کیا کرنے کی کوشش کر رہا ہے۔

منتظمین

بدر بھائی اپنا مراسلہ سرورق پر پیش کریں۔