وجدان

پاک فضائیہ نے کہا ہے کہ پیر کی صبح وفاقی دارالحکومت ، راولپنڈی اور ملحقہ علاقوں میں بڑے دھماکے کی آواز فضائیہ کے ایف سیون پی لڑاکا طیارے کے سائونڈ بیریئر ''سدصوت'' کراس کرنے سے پیدا ہوئی۔ پاک فضائیہ کے ترجمان نے بتایا کہ لڑاکا طیارہ شیڈول فنکشنل کنٹرول فلائٹ مشن پرتھا کہ اس دوران پنڈی گھیب کے قریب اس نے سائونڈ بیریئر کراس کیا۔ ترجمان نے بتایا کہ اس وقت طیارہ چالیس ہزار فٹ بلندی سے 15 ہزار فٹ کی سطح پر آنے کے عمل میں تھا۔ پاکستان ایروناٹیکل کمپلیکس کامرہ میں طیارے کی اوور ہالنگ کے بعد طیارے نے مجوزہ مینٹیننس چیک مشن مکمل کیا۔

ترجمان نے بتایا کہ صاف موسم اور انتہائی بلندی کی وجہ سے دھماکہ کی آواز دور دور تک سنی گئی۔ ماہرین کے مطابق فوجی طیارے معمول کے مطابق بعض اوقات اپنی رفتار آواز کی رفتار سے بڑھا دیتے ہیں جس کی وجہ سے دھماکہ سنائی دیتا ہے جس کو سائونڈ بیریئر کہا جاتا ہے۔ قبل ازیں راولپنڈی اور اسلام آباد میں دھماکوں کی آواز سنائی دینے کے بعد راولپنڈی پولیس اور قانون نافذ کرنے والے اداروں نے بین الاقوامی ہوائی اڈہ اسلام آباد، حساس تنصیبات اور راولپنڈی بھر کو محفوظ قرار دیتے ہوئے خدشہ ظاہر کیا تھا کہ دھماکے کی آواز ''سائونڈ بیریئر کراسنگ'' کی ہو سکتی ہے۔ دھماکوں کی آواز اتنی شدید تھی کہ ٹیکسلا، گوجر خان، مری اورگردونواح کے علاقوں میں بھی سنائی دی گئی اور ان شدید دھماکوں سے راولپنڈی بھر میں خوف و ہراس پھیل گیا۔ سرکاری و نیم سرکاری اداروں میں کام کرنے والے افراد کے لواحقین بذریعہ ٹیلیفون خیریت دریافت کرتے رہے۔ ریسکیو 1122 اور دیگر امدادی ٹیموں نے حفظ ماتقدم کے طور پر اپنی گاڑیاں اسلام آباد ایئر پورٹ بھجوا دیں۔

ایڈیشنل انسپکٹر جنرل پولیس و آر پی او ناصر خان درانی نے ''القمر آن لائن'' سے گفتگو کرتے ہوئے بتایا تھاکہ راولپنڈی رینج میں کسی بھی مقام پر دھماکہ نہیں ہوا اور راولپنڈی مکمل طور پر محفوظ ہے تاہم تمام پولیس افسران کو ہدایات دیدی گئیں کہ وہ اپنے علاقوں میں مکمل چیکنگ کر کے رپورٹ کریں۔ ڈپٹی انسپکٹر جنرل پولیس راولپنڈی رائو محمد اقبال نے ''القمر آن لائن'' سے گفتگو کرتے ہوئے بتایا کہ راولپنڈی میں تمام حساس مقامات محفوظ ہیں۔ دھماکوں کی آواز ہم نے بھی سنی ہے لیکن راولپنڈی کا علاقہ مکمل محفوظ ہے۔ بین الاقوامی ہوائی اڈے کے اے پی ایم نے ''القمر آن لائن'' کو بتایا کہ ہوائی اڈے کا ٹرمینل بالکل ٹھیک ہے ایئر پورٹ کے اندر یا باہر کسی قسم کا دھماکہ نہیں ہوا فلائٹس معمول کے مطابق چل رہی ہیں۔ آئی ایس پی آر ذرائع کے مطابق دھماکوں کی آواز کے بعد متعلقہ حکام سائونڈ بیریئر کراسنگ سے پھٹنے اور تمام امور پر تحقیقات کی جا رہی ہیں۔ دھماکوں کے بعد بعض عمارتوں کے شیشے بھی ٹوٹ گئے جبکہ شہر کے حساس علاقوں میں ہنگامی طور پر ایمبولینسوں کو بھی بھجوایا گیا۔

محمدخلیل

اکژ ایسا ہوتا ہے

طاھر

السلام علیکم،

جی ہاں‌ - فلائٹ ٹیسٹس کے دوران یہ بھی ایک ٹیسٹ ہے، جہاز کی آزمائش کا۔

وجدان کو بھی ساؤنڈ بیریئر کے ہمراہ واپسی مبارک !

__________________
ہمیں خبر ہے لٹیروں کے سب ٹھکانوں کی
شریک جرم نہ ہوتے تو مخبری کرتے

وجدان

کہتے ہیں پرانے وقتوں میں ڈاکیت حضرات اپنے ساتھی کو جوڑی دار کہتے تھے،
بھائی طاہر خلیل دل کر رہا ہے کہ آپ کو بھی ''جوڑی دار'' بنا لوں،

پہورا(زرہ) نوازی کا شکریہ۔

طاھر

بہت اچھے --

ویسے ایک اور بھی کہاوت ہے -- چور کا ساتھی گرہ کٹ

ذرہ نوازی کا شکریہ !