چاچا کمال

ماہرین فلکیات نے زمین کے قریب غیر معمولی خواص رکھنے والے ایک پراسرار ستارے کی موجودگی کا پتا لگایا ہے۔
یہ ستارہ جس کو ’نیوٹرون سٹار‘ کے نام سے جانا جاتا ہے، اس کا مشاہدہ خلائی دوربینوں اور زمین پر واقع مشاہدہ گاہوں سے کیا گیا۔

تاہم یہ ستارہ جو ستاروں کے جھرمٹ ’ارسا مائنر‘ میں واقع ہے اس میں دوسرے نیوٹرونی ستاروں کی نسبت بعض اہم خصوصیات کی کمی نظر آتی ہے۔

امریکہ اور کینیڈا کے ماہرین کی ایک ٹیم کی اس تحقیق کی تفصیلات
’اسٹروفیزیکل‘ نامی جریدے میں شائع کی جائیں گی۔

اگر اس ستارے کی موجودگی کی تصدیق ہو جاتی ہے تو دریافت ہونے والا یہ آٹھواں واحد ’آئسولیڈڈ نیوٹرون سٹار‘ ہوگا۔ ’آئسولیڈڈ نیوٹرون سٹار‘ کا مطلب ایک ایسا ستارہ جو اپنے جیسے دوسرے ستاروں کی طرح نہیں جو اچانک دھماکے سے بھڑک اٹھیں اور اس کے نتیجے میں ان کی روشنی تیز ہو جائے، نہ ہی ان کا کوئی جڑواں ستارہ ہوتا ہے اور نہ ہی ان میں نیوٹرونی ستاروں کی طرح سے لمحہ بہ لمحہ ریڈیائی لہریں خارج ہوتی رہتی ہیں۔

1960 کی دہائی میں بننے والی ایک مغربی فلم ’دی میگنیفیسنٹ سیون‘ کے ولن کے نام پر اس ستارے کو عرف عام میں ’کلویرا‘ کا نام دیا گیا ہے۔ اس تحقیق میں شامل امریکن یونیورسٹی کے ایک محقق ڈیرک فاکس کا کہنا تھا کہ ماہرینِ فلکیات پچھلے ساتوں’آسولیڈڈ نیوٹرون سٹارز‘ کو مجموعی طور پر ’دی میگنیفیسنٹ سیون‘ کے نام سے جانتے ہیں۔’اسی لیے ہم نے ازراہِ مذاق اس ستارے کو یہ نام دیا ہے‘۔

محقیقین کا اندازہ ہے کہ زمین سے اس ستارے کا فاصلہ دو سو پچاس سے ایک ہزار نوری سال کے برابر ہے جس کا مطلب یہ ہے کہ یہ ستارہ اب تک دریافت ہونے والے نیوٹرون ستاروں میں زمین کے سب سے قریب واقع ہے اور امکان ہے کہ یہی سب سے قریب ہے۔

سائنسدانوں کا اندازہ ہے کہ نیوٹرون ستارے اس وقت وجود میں آتے ہیں جب سورج سے چار سے آٹھ گنا بڑی جسامت کے حامل ستارے اپنے اندر سے جوہری ایندھن خارج کرتے ہیں جس کے نتیجے میں اچانک تیز روشنی کا ایک زوردار دھماکہ ہوتا ہے۔ اس دھماکے سے اس ستارے کی بیرونی تہہ اڑ جاتی ہے اس کی باقیات سے ایک نیوٹرون ستارہ وجود میں آتا ہے۔ کشش ثقل کے تحت اس ستارے کا مرکزی حصہ ٹوٹ جانے کی وجہ سے پروٹون اور الیکٹرون بنتے ہیں جو نیٹرون بناتے ہیں اسی وجہ سے اس ستارے کو نیٹرون ستارہ کہا جاتاہے۔

درحقیقت اس ستارے کی موجودگی کا علم سب سے پہلے کینیڈا کی میکگِل یونیورسٹی آف مانٹریال کے ڈاکٹر رابرٹ روٹلج کو ہوا۔

ڈاکٹر روٹلج کا کہنا ہے کہ یہ ستارہ کن خصوصیات کا حامل ہے، اس بارے میں ابھی عجیب سا اسرار پایا جاتا ہے۔ اس قسم کے ستاروں کی مختلف خصوصیات بیان کرنے والی متبادل اور حقائق پر مبنی تھیوریسز موجود نہیں ہیں جیسے کہ ایکس رے کی روشنی میں ان کا روشن ہونا اور عام روشنی میں ان کا مدھم ہوجانا۔ ان کا کہنا تھا کہ یہ بھی کہ آیا ’کلویرا‘ معروف نیوٹرون ستاروں کی ایک غیر معمولی مثال ہے یا پھر یہ اپنی نوعیت کا کوئی انوکھا نیوٹرونی ستارہ ہے۔

مبشر

واہ جی واہ بہت آچھی معلومات ہیں۔

عبدالقدوس

کافی اچھی اور معلوماتی خبر ہے جناب

زبیر

ھمممممممم یہ تو کافی اچھی چیز نکلی

arslansun

بہت ہی اچھی معلومات ہیں۔۔۔۔۔۔۔