ماسٹر مقسود

جرمنی کے شہر ہنوور میں ہر سال Cebit کے نام سے الیکٹرونک کی دنیا کی سب سے بڑی نمائش لگتی جس کا انعقاد امسال 2 سے 6 مارچ تک نہائت کامیابی سے عمل میں آیا -
جنگ عظیم دوم کے بعد 1947 میں پہلی مرتبہ انگلستان کی شمالی جرمنی میں متعین نگران حکومت نے سب سے پہلے اس کا انعقاد کروایا - اس کا مقصد یہ تھا کہ جرمنی کی صنعت کو متعارف کروایا جائے تاکہ جرمنی جلد سے جلد اپنے پائوں پر کھڑا ہونے کے قابل ہو سکے -
Hannover Messe کے نام سے ہونے والی یہ نمائش بہت مقبول ہوئی جس میں پہلی مرتبہ 1950 میں Office میں استعمال ہونے والے آلات رکھے گئے - اور 1970 میں ایک پورے ھال کا علیحدہ سے انتظام کیا گیا -
80 کی دھائی میں جب ٹیلی کمیونیکیشن کے شعبے نے تیزی سے ترقی کرنی شروع کی تو1986 سے اس شعبہ کے لیے بڑی صنعتی نمائش ( Hanover -Fair) سے ایک ماہ قبل اس کا انعقاد شروع ہوا جو اب تک ہر سال تمام دنیا کی توجہ کا مرکز بنتی ہے -
امسال اس نمائش میں 68 ملکوں سے 4157 کمپنیوں نے شرکت کی ۔ اور اس میں 334000 دیکھنے والوں نے سب سے زیادہ Smartphones اور 3D ٹیکنیک میں‌دلچسپی لی -
ھنوور شہر کے جنوب میں واقع اس نمائش گاہ میں 27 بہت بڑے بڑے ھال ہیں جن کا کل رقبہ چار لاکھ چھیانویں‌ہزار مرببع میٹر بنتا ہے ، اور اس کے علاوہ کچھ کھلا علاقہ بھی ہے ، اور ہزاروں‌گاڑیاں‌ پارک کرنے کی جگہ بھی - اور یہ " چھوٹا شہر " ٹرینوں، ٹراموں ‌اور سڑکوں‌سے تمام ملک سے ملا ہوا ہے -

Cebit کی کچھ جھلکیاں :
CeBIT in 100 Seconds - About CeBIT - CeBIT

منتظمین

سرورق کے لیے پیش کریں۔