محمدعمر

جدت اور ٹیکنالوجی کے اس دور میں بھی کئی لوگ پرانی روایات برقرار رکھے ہوئے ہیں۔ بھارتی شہر چینائے میں بھی ایک ایسا اردو اخبار شائع ہوتا ہے جو ہاتھ سے لکھا جاتا ہے۔ روزنامہ ’مسلمان‘ کے نام سے جاری ہونے والا یہ شام کا اخبار 1927 میں شروع کیاگیا تھا جسے ماہر خطاط روشنائی اور قلم سے لکھتے ہیں۔ تین افراد پر مشتمل خطاطوں کی ٹیم تقریباً3 گھنٹے میں ایک صفحہ مکمل کرتی ہے جس کی روزانہ 23 ہزار کاپیاں شائع کی جاتی ہیں۔ پچھلے 84 سالوں سے جاری دنیا کے واحد ہاتھ سے لکھے جانے والے اس اخبارکی قیمت صرف 75 پیسہ ہے

__________________
ناراضگی ظاہر کرنا دل میں برائی رکھنے سے بہتر ہے۔

فیصل ناصر

ایک اخبار کے چار صفحے بھی لگا لیں تو 3 افراد 12 گھنٹے میں یہ ایک اخبار لکھیں گے
اگر 3 افراد فی کاپی کا ایوریج نکال لیا جائے تو 69000 افراد یہ کام کرتے ہونگے

میرے حساب میں کچھ گڑ بڑ لگتی ہے ؟

__________________
(اے پروردگار) ہم تیری ہی عبادت کرتے ہیں اور تجھ ہی سے مدد مانگتے ہیں

ابو عمار

یہ خبر بالکل ٹھیک ہے۔ میرا خیال ہے اس کی کتابت ابھی تک ہاتھ سے ہوتی ہوگی۔ یعنی خطاط پورے اخبار کو اپنے ہاتھوں سے لکھتے ہونگے۔ پھر اس کی کاپیاں بنا کر بیچی جاتی ہونگی۔

ایک اور بات بھی میں‌ نے پڑھی تھی اس اخبار کے بارے میں‌ اور وہ یہ کہ جس کسی نے بھی اس آخبار میں ‌نوکری کی وہ مرتے دم تک اسی سے وابسطہ رہے۔

یاسر عمران مرزا

جی ہاں کافی گڑ بڑ ہے، اخبار کی ایک کاپی ہاتھ سے لکھی جاتی ہے ، اس کاپی سے مزید 23000 کاپیاں پرنٹنگ مشین سے بنائی جاتی ہیں، ہاتھ سے لکھنے کا مطلب یہ ہے کہ دیگر اخباارات کی طرح اسے کمپیوٹر پر کمپوز نہیں کیا جاتا۔ ورنہ اگر 23000 ہاتھ سے لکھنے ہوں تو سال میں ایک بار ہی شائع ہو سکے گا اخبار۔

__________________
عرفی تومیندیش ذغوغائے رقیباں - آواز سگاں کم نہ کند رزق گدارا
میرا بلاگ | yasirimran.wordpress.com