ابن جلال

لاہور: علمائے کرام کا کہنا ہے کہ حملے خود کش ہوں یا فدائی، اسلامی تعلیمات کی روشنی میں کسی بے گناہ کی جان لینا حرام ہے۔متحدہ علماء کونسل اور علماء بورڈ پنجاب کی طرف سے پاکستان میں خود کش حملوں کو ناجائز اور حرام قرار دینے کے فتوے پر طالبان کا موقف ہے کہ وہ خود کش نہیں بلکہ فدائی حملے کر رہے ہیں، جو ان کی نظر میں جائز ہیں لیکن علمائے کرام کا کہنا ہے کہ کسی بھی حملے میں بے گناہوں کی جان لینا اسلام میں جائز نہیں۔

پاکستان میں ہونے والے خود کش حملوں میں جاں بحق ہونے والے لوگ پر امن تھے اور قانون کے مطابق ان پر حملہ کرانے والے سزا کے مستحق ہیں۔ علماء کا کہنا ہے کہ خود کش اور فدائی حملے اس وقت جائز ہو سکتے ہیں جب کسی اور ملک کی فو ج کسی اسلامی ریاست پر قبضہ کرلے اور اس ظلم سے نجات کا حل سوائے فدائی حملے کے اور کچھ نہ ہو۔

علمائے کرام کے مطابق ریاست کی ذمہ داری ہے کہ وہ عوام کے جان و مال کے تحفظ کو یقینی بنائے اور شرپسندوں کی سر کوبی کے لئے انتہائی اقدام اٹھائے۔ ان کا کہنا ہے کہ انصاف پر مبنی معاشرہ ہی امن کی ضمانت دیتا ہے۔دینی حلقوں کا کہنا ہے کہ حکومت عوام اور تمام مکاتب فکر کی مشترکہ کوششوں سے ہی دہشت گردی کی حالیہ لہر سے چھٹکارہ حاصل کیا جا سکتا ہے۔

منتظمین

عمدہ کاوش ہے لیکن ان جاہلوں کہ یہ کون سمجھائے؟