خرم شہزاد خرم

حلقے کے مسائل ترجیحی بنیادوں پر حل کرائیں گے‘ ہمیشہ عوام کی بھرپور خدمت کی،امان الله پراچہ



کراچی (پ ر)پاکستان مسلم لیگ حلقہ پی ایس 89 اور حلقہ این اے 239 کے نامزد امیدوار امان الله پراچہ اور اختر پرویز نے یو سی 2 سلطان آباد میں الیکشن آفس کے افتتاح کے موقع پر خطاب کرتے ہوئے کہا کہ ہم اپنے حلقہ کے عوام کے اعتماد کو ٹھیس نہیں پہنچائیں گے‘ ہمارے حلقہ انتخاب کا تعلق پسماندہ علاقوں سے ہے مگر ہم اس علاقے کے مسائل کے حل کیلئے ہرممکن کوشش کریں گے‘ یہ حلقہ نہیں ہمارا گھر ہے‘ ہماری بھرپور کوشش ہے کہ منتخب ہوکر حلقہ کے اہم مسائل جن میں سرفہرست کچی آبادیوں کا مسئلہ ہے اس کو لیز کرانے کی کوشش اور بنگالی قوم کے شناختی کارڈ کیلئے جو مسائل ہیں ان کو حل کرائیں گے‘ کھیل کے میدان‘ سیوریج اور سڑکوں کی تعمیر میرے حلقے کے لازمی کام ہیں جو ہم نے آپ لوگوں کے ساتھ ملکر کرنے ہیں۔ انہوں نے کہا کہ سلطان آباد کے باشندے انتخابات میں ہمیں ووٹ دیکر کامیاب بنائیں گے جس طرح پہلے مسلم لیگ نے عوام کی خدمت کی ہے آئندہ بھی مزید بڑھ کر عوام کی خدمت کرے گی۔