خرم شہزاد خرم

حج پروازوں کی آمد میں تاخیر کا نوٹس لیا جائے، عاطف بلو



کراچی (پ ر) تحریک عوام اہلسنت پاکستان کے چیئرمین محمد عاطف حنیف بلو نے صدر، نگراں وزیراعظم اور پی آئی اے کے چیئرمین سے اپیل کی ہے کہ پی آئی اے کی حج پروازوں میں تاخیر کا نوٹس لیا جائے جو ایک ہفتے سے مسلسل 10 سے 12 گھنٹے لیٹ آرہی ہے اس سے حجاج کرام اور ان کے عزیز و اقارب کو جو ان کو ایئرپورٹ پر لینے آتے ہیں سردی کے باعث کافی مشکلات کا سامنا کرنا پڑتا ہے۔ ان خیالات کا اظہار انہوں نے حج ٹرمینل پر لگائے گئے کیمپ میں اجلاس سے خطاب کرتے ہوئے کیا۔ اجلاس میں قاری رضاء المصطفیٰ اعظمی، مولانا ریاض الدین قادری، علامہ اشرف گورمانی، علامہ اللہ بخش نعیمی، قاری غلام رسول، قاری گل جہاں صدیقی، محمد علی قریشی، اقبال حسین اور دیگر موجود تھے۔