عبدالقدوس

پشاور ( نمائندہ جنگ) ایم ایم اے میں شامل دونوں بڑی جماعتوں جمعیت علماء اسلام (ف) اور جماعت اسلامی کے مابین عام انتخابات میں شرکت پر اتفاق نہ ہونے کے بعد جے یو آئی (ف) نے جماعت اسلامی کو اتحاد میں الاٹ کردہ حلقوں پر اپنے امیدوار نامزد کردیے ہیں جنہیں اگلے ایک دو روز میں ایم ایم اے کا ٹکٹ جاری کردیاجائیگا ۔ اس سلسلے میں گزشتہ روز دونوں جماعتوں کے صوبائی امرا سابق سینئر وزیر سراج الحق اور سینیٹر مولاناگل نصیب خان کے مابین تفصیلی ون ٹو ون ملاقات ہوئی تھی جس پر جماعت اسلامی کے امیر سراج الحق نے مولانا گل نصیب خان سے جمعہ کی شام تک حتمی جواب دینے کے لیے وقت مانگا تھا مگر وہ جوابی رابطہ نہ کرسکے جس پر جمعیت علماء اسلام نے مذکورہ حلقوں پر اپنی جماعت کے متبادل امیدواروں کو نامزد کردیا ہے۔ ان حلقوں میں قومی اسمبلی کے ایک درجن سے زیادہ حلقے اور صوبائی اسمبلی کے تین درجن حلقے شامل ہیں۔

__________________