پاکستانی

ترجمان القرآن لاہور

جنٹل مین استغفراللہ ''سانحہ کارگل کے اصل حقائق'' کرنل ’ر‘اشفاق حسین۔

ناشر : مطبوعات سلیمانی، رحمن مارکیٹ، غزنی اسٹریٹ، اردو بازار، لاہور۔ فون: 232788۔ صفحات: 222۔ قیمت ’مجلد‘ 300 روپئے۔
سانحہ کارگل پر تحقیقاتی کمیشن کے قیام کا مطالبہ دوسرے ایسے ہی قومی حادثوں پر تحقیقات کے مطالبے کی طرح شاید ہی پورا ہو۔''حمود الرحمن کمیشن کی رپورٹ خفیہ رکھی گئی اور اس پر عمل بھی نہ ہوا''۔ جنٹل مین سیریز کی اس پانچویں کتاب میں جسے غالبا استغفراللہ کا نام رمضان کے ماہِ اشاعت کے حوالے سے دیا گیا ہے۔ سانحہ کارگل کے اصل حقائق آشکار کئے گئے ہیں۔ یہ کتاب انگریزی میں ’ویٹنیس ٹو بلنڈر‘ کے نام سے،ساتھ ہی شائع ہوئی ہے۔ یہ ایک اچھی روایت ہے۔ عموما اتنا صبر نہیں کیا جاتا اور ترجمے کا ارادہ رہ جاتا ہے۔
سانحہ کارگل کے بارے میں بہت کچھ لکھا جاچکا ہے۔ جنرل مشرف کی کتاب بھی آچکی ہے۔ نواز شریف کا موقف بھی کچھ دوسری کتب میں سامنے آچکا ہے۔ اس کتاب نے اصل ذرائع تک پہنچ کر یہ ثابت کیا ہے کہ فوج میں چار کے ٹولے نے سول حکومت کو بے خبر رکھ کر اتنا بڑا قدم کرڈالا۔ منصوبہ بندی کا یہ عالم تھا کہ فضائیہ کو اعتماد میں نہیں لیا گیا۔ کیونکہ فتح یقینی سمجھی گئی تھی اور یہ فرض کرلیا تھاکہ بھارت جواب نہیں دے گا، اس لئے واپسی کا کوئی انتظام نہیں سوچا گیا تھا۔ ’ہم کشتیاں جلانے والے لوگ ہیں‘ ۔ اس مشق سے پاکستانی فوج کی جو جگ ہنسائی ہوئی تھی وہ تو ہوئی لیکن فوج کے جوانوں کی قیمتی جانوں کا بڑے پیمانے پر ضیاع ہوا۔ کتاب ان افراد کی گفتگوؤں اور تبصروں پر مشتمل ہے جنہوں نے اس آپریشن میں حصہ لیا۔
کارگل کے حقائق کے ساتھ ہی اس کتاب میں بڑی خوبی سے مسلہ کشمیر کی پوری تاریخ بیان کردی گئی ہے اور کارگل سے پہلے کے قریبی حالات بھی تفصیل سے آگئے ہیں۔ ساتھ ہی فوج کے افسروں اور جوانوں نے استقامت اور قربانی کی جو مثال پیش کی وہ بھی ریکارڈ پر آگئی ہے۔ کیا مصنف سے یہ توقع بے جا ہوگی کہ وہ سانحہ جامعہ حفصہ اور لال مسجد پر بھی ایسی ہی ایک حقائق کشا کتاب مرتب کردیں۔ قوم اس حادثے کو انجام دینے والے کرداروں کی اپنی زبان سے یہ جاننا چاہتی ہے کہ ’حب وطن‘ کے کن جذبات سے یہ انجام دیا گیا اور ''v'' کا نشان بنا کر دکھایا گیا۔ یہ کہانی طویل ہوتی جارہی ہے۔ قبائلی علاقوں میں جو آپریشن کئے جارہے ہیں ان کے ’سرجنوں‘ کی طرف سے بھی کچھ حقائق آنے چاہیئں تاکہ صاحب کتاب ’جنٹل مین اناللہ‘ لکھ سکیں۔
تبصرہ نگار۔ مسلم سجاد

__________________

منتظمین

سر ورق کے لیے اپلائی کریں۔