ابن جلال

جنوبی وزیرستان میں 29 بچوں کے والدین کا عالمی ریکارڈ قائم کرنے کی خواہش
اسلام آباد ۔۔۔۔۔۔۔جنوبی وزیرستان میں 29 بچوں کے والدین نے عالمی ریکارڈ قائم کرنے کی خواہش ظاہر کر دی۔ زیادہ بچوں کے خواہش مند جوڑے کا تعلق افغانستان سے ہے اور وہ جنوبی وزیرستان میں 2 کمروں کے گھر میں رہائش پذیر ہے۔ وحید اللہ اور اس کی صحت مند بیوی نے ازدواجی زندگی کے 27 سالوں میں 29 بچے پیدا کئے ہیں جبکہ ان کے 30 ویں بچے کی پیدائش بھی متوقع ہے۔ وحید اللہ کے مطابق 2 مرتبہ ان کے یہاں 3,3 بچے جبکہ 1 مرتبہ جڑواں بچوں کی ولادت ہوئی۔ وحید اللہ کے مطابق 29 میں سے 15 بچے مختلف عمروں میں انتقال کر چکے ہیں جن کی وجہ ماں کے دودھ کی عدم دستیابی اور سہولیات کی عدم دستیابی تھی وحید اللہ کے زندہ بچوں میں 9 لڑکے اور 6 لڑکیاں شامل ہیں۔ بڑے بیٹے کی شادی کی وجہ سے وحید اللہ اور اس کے باقی بچوں کے حصے میں صرف ایک کمرہ آیا ہے جس میں یہ خاندان بمشکل گزارا کر رہا ہے جب وحید اللہ سے ان کے بچوں کے نام پوچھے گئے تو انہیں بتانے میں دشواری کا سامنا کرنا پڑا تاہم خاتون خانہ نے ان کی مدد کی۔ وحید اللہ محنت مزدوری کر کے خاندان کا پیٹ پالتا ہے۔ وحید اللہ کا کوئی بھی بچہ سکول نہیں جاتا ہے۔ زندگی کی 40 بہاریں دیکھنے والے جوڑے 29 بچے پیدا کر کے دنیا بھر کے طبی ماہرین کا یہ نظریہ غلط ثابت کر دیا کہ کم عمری کی شادی اور زیادہ بچے پیدا کرنا صحت کے لئے نقصان دہ ہے

وجدان

اچھی رپورٹ ہے جناب، لیکن یہ ہے تو بیواقوفی کی منہ بولتی مثال، ایک باپ کو اپنی اولاد کا نام بھی نا آتا ہو تو وہ ورلڈ ریکارڈ کرکے کیا کرے گا، اس طرح کرنے سے کیا اسکے بچوں کو بنیادی ضروریاتِ زندگی میسر آجائیں گی۔
بلکل بھی نہیں۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔ڈاکٹروں کی تحقیق کوئی حتمی بات نہیں ہوتی ہے محض ایک مفروضہ ہوتاہے۔