ھارون اعظم

ARHAM

ھارون رشید دہشت گرد اور مفرور ہیں فوج کا دعویٰ:

‘ جماعت اسلامی کے رہنما اور سابق ایم این اے ہارون رشید کا گھر دہشت گرد اپنی شوریٰ کے اجلاس کے لیے استعمال کرتے تھے جس کی وجہ سے اسے تباہ کیا گیا ‘اب ہارون رشید مفرور ہے تاہم ان کا بھائی سیکورٹی فورسز کے قبضے میں ہے ۔ سیکورٹی فورسز کا اگلا ہدف وادی تیراہ ہے ۔قبائلی علاقوں میں تباہ شدہ ڈھانچے کی ترقی اور بحالی کے لیے ایک ارب ڈالر درکار ہیں ۔یہ بات پاک فوج کے ترجمان میجر جنرل اطہر عباس نے صحافیوں کو دورہ باجوڑ ایجنسی کے موقع پر بریفنگ دیتے ہوئے بتائی۔

منور حسن نے ہارون رشید سے متعلق فوج کا بیان مسترد کردیا:

امیر جماعت اسلامی پاکستان سید منور حسن نے صاحبزادہ ہارون رشید کے بارے میں پاک فوج کے ترجمان کے بیان کو مسترد کرتے ہوئے کہا ہے کہ

ہارون رشید دہشت گرد ہیں اور نہ ہی دہشت گردوں کے ساتھ ان کا کوئی تعلق ہے۔ پاک فوج نے ان کے گھر کو ظالمانہ طریقے سے بارود کے ذریعے نہ صرف دھماکے سے اڑایا بلکہ ان کی بوڑھی والدہ‘ بھتیجی اور ایک 3 سالہ رشتہ دار بچے کو شہید کیا۔ ان کی والدہ کی موت کو حادثاتی قرار دینا عذر گناہ بدتراز گناہ کے مترادف ہے۔
سید منور حسن نے کہا کہ دن کی روشنی میں صاحبزادہ ہارون الرشید کے گھر پر فوج نے بکتر بند گاڑیوں کے ذریعے چڑھائی کی ‘ ان کے ساتھ امریکی بھی تھے انہوں نے نہ صرف ان کے بلکہ ان کے عزیزوں کے گھروں کی تلاشی بھی لی جہاں سے ان کو ایک کارتوس تک نہیں ملا اس کے باوجود ان کے گھر کو دھماکا خیز مواد سے اڑادیا گیاجبکہ وہاں پر موجود لوگوں نے فوج سے استدعا کی کہ

دھماکے سے قبل گھر سے خواتین کو نکال لینے دیا جائے لیکن ان کی ایک نہ سنی گئی۔ سید منور حسن نے کہا کہ فوج کی یہ صریحاً انتقامی کارروائی ہے اور صاحبزادہ ہارون الرشید کو ڈرون حملوں اور فوجی آپریشن کی مخالفت کرنے کی سزا دی گئی ہے۔
انہوں نے کہا کہ جماعت اسلامی کی تاریخ گواہ ہے کہ یہ ایک پر امن‘ جمہوری اور قانون پر کاربند رہنے والی جماعت ہے اور اس کی سرگرمیاں کھلے عام ہوتی ہیں۔ ہارون الرشید جماعت اسلامی کے صوبائی عہدیدار اور سابق رکن قومی اسمبلی ہیں ان کا تعلق دہشت گردوں سے جوڑنا صحیح نہیں ہے۔

__________________

دختراسلام ڈاکٹر عافیہ صدیقی اور ان کے اہل خانہ کی عظمتوں کو سلام۔
مدہوش حکمرانو! ہوش میں آؤ۔۔۔

ARHAM

دیکھیں اوبٹ کس کروٹ بیٹھتا ہے ۔۔۔

ھارون اعظم

اللٰہ ہی رحم کرسکتا ہے ہمارے حالات پر۔ فوج کو تو امریکہ کے لئے کرائے پر دیا گیا ہے۔

شریف

پاکستان میں سب سے ذیادہ دہشت گردوں کی پشت پناہی جماعت اسلامی ہی کرتی ہے

ھارون اعظم

آپ کو شاید غلط فہمی ہوئی ہے، جماعت اسلامی نے کبھی بھی ایم کیوایم کی پشت پناہی نہیں کی۔

شریف

تو پھر کیوں روزانہ ایم کیو ایم کی تعریف کرتے رہتے ہیں

ARHAM

بات کو ثابت کرنے کے لیے ثبوت کا ہونا ضروری ہے ۔۔

ARHAM

اکثر یہی دیکھا گیا ہے کہ بات کو موضوع سے ہٹا کر الجھا دیا جاتا ہے ،۔۔۔۔ لہٰذا خاموشی بہتر ہے ۔۔۔

شریف

کیوں اپ کو ثبوت چاہیے آسکتے ہیں اسلامیہ کالج۔ دکھا دیتا ہوں آپ کو ثبوت

ھارون اعظم

ارے بھئی ہمیں ثبوت کے لئے اسلامیہ کالج نہیں جانا، آپ یہاں پر بات کیجئے۔ اتنا جان لیں کہ جو بے مقصد اور بحث برائے بحث گفتگو آپ نے شروع کی ہے، اس سے کچھ حاصل ہونے والا نہیں۔ بہتر ہے اپنی توانائیاں مثبت کاموں پر صرف کریں۔ میرا مخلصانہ مشورہ ہے۔

شریف

کیوں ابھی تو آپ ثبوت مانگ رہے تھے۔

راجہ اکرام

جی شریف بھائی
جماعت اسلامی اگر واقعی دہشت گردوں کی پشت پناہی کرتی ہے بلکہ بقول آپ کے سب سے زیادہ پشت پناہی کرتی ہے ٹھوس ثبوتوں کے ساتھ بات کیجئے۔
شاید اپ کو اندازہ نہ ہو آپ کسی جماعت پر کس قدر بڑا الزام لگا رہے ہیں اور ثبوت پیش کرنے کے بجائے اسلامیہ کالج بلا رہے ہیں۔

اور ثبوت اس لئے بھی پیش کیجئے کہ اگر واقعی وہ اس میں ملوث ہیں تو ہمیں بھی علم ہونا چاہیئے ۔۔۔ تا کہ ہم بھی ان کے بارے میں صحیح رائے اختیار کر سکیں
آپ کی جانب سے ٹھوس ثبوتوں کا انتظار رہے گا۔

__________________
محتاج اصلاح و دعا

ARHAM

کیوں ؟
کیا جماعت والوں نے اسلامیہ کالج میں طالبان چھپائے ہوئے ہیں ؟ یا وہاں بھی طالبان کی شورٰی کا اجلاس جماعت کی سرپرستی میں ہو رہا ہے ؟
اگر ایسا ہے بھی تو آپ ثبوت اس تھریڈ میں ہی لے آئیں تو مناسب ہو گا ۔۔
ورنہ میرا مشاہدہ تو یہی رہا ہے مختلف فورمز پر جو میں پہلے بتا چکی ہوں ۔۔

عبداللہ آدم

بجائے فوج کی اس غلطی کو غلطی کہنے کہ جماعت اسلامی دہشت کرد ہو گئی ہے۔ما شاءاللہ۔۔۔۔۔۔۔۔۔۔۔۔۔۔جو چاہے آپکا حسن کرشمہ ساز کرے
اب یہ نہ کہ دہجئیے گا کہ انکی والدہ طالبان کے خواتین ونگ کی سربراہ تہیں۔۔۔۔۔۔