عبدالقدوس

اسلام آباد… (رپورٹ /انصار عباسی) برطرف جج چیف جسٹس افتخارمحمدچوہدری اوروکلا تحریک کے ممتاز رہنما اعتزاز احسن ملک میں قانون کی حکمرانی اور آزاد عدلیہ کیلئے اپنی جد و جہدجاری رکھنے کیلئے پُرعزم ہیں ، نظر بند چیف جسٹس افتخار چوہدری جنہیں وزارت داخلہ کے اس اعلان کے باوجودکہ تمام برطرف ججوں کو عیدکی نمازاداکرنے کی اجازت دی جائے گی،گزشتہ جمعہ کے روزعیدکی نمازاداکرنے سے روک د یا گیا تھا،عدلیہ کی آزادی کیلئے جاری جدوجہدکے مثبت نتیجے کے حوالے سے بدستور پُراعتماد اور عزم سے بھرپورنظرآتے ہیں۔ اعتزازاحسن بھی،جو3نومبر کے بعد سے زیرحراست ہیں ، یقین رکھتے ہیں کہ وکلا رہنماؤں کی جدوجہدکودبایا نہیں جا سکتا ،23دسمبرکوایک امریکی اخبارنیویارک ٹائمزمیں شائع ہونے والے اپنے ایک مضمون میں انہوں نے تحریرکیا ہے کہ آخرچیف جسٹس اوران کے ساتھیوں کوکتنے عرصے تک زیرحراست رکھاجاسکتا ہے۔وکلا تحریک کے رہنماؤں کوکتنے عرصے تک قید رکھاجا سکتا ہے،انہوں نے اس عزم کا اظہارکیا ہے کہ یہ سب ایک روزآزاد ہوں گے اور یہ نہ تو خاموش ہوں گے اور نہ ہی جدوجہد بندکریں گے۔برطرف چیف جسٹس کے خاندانی ذرائع نے بتایا ہے کہ چیف جسٹس کاحوصلہ بہت بلند ہے اور50روزگزر جانے کے باوجود وہ پریشان نہیں ہیں ۔ انہوں نے کہا کہ ہم تمام نتائج کاسامنا کرنے کیلئے تیار ہیں۔ذرائع نے چیف جسٹس کے حوالے سے کہاکہ جسٹس افتخارکا خیال ہے کہ ان کی جدوجہدکسی انفرادی شخص کیلئے یا اس کے خلاف نہیں ہے بلکہ یہ ملک میں عدلیہ کی آزادی اورآئین وقانون کی سربلندی کویقینی بنانے کیلئے ہے۔ذرائع نے کہاکہ جسٹس افتخارچوہدری اوران کے اہل خانہ کو بھی جو ان کے ساتھ ہی 3تین نومبر سے زیرحراست ہیں کسی قسم کا افسوس نہیں بلکہ وہ خوش ہیں کہ اللہ تعالی نے پاکستان کی خاطرقربانیاں دینے کیلئے انہیں چن لیا ہے۔

__________________