خرم شہزاد خرم

تھر ایکسپریس 400 مسافروں کولے کر بھارت روانہ،سخت سیکورٹی



کراچی (اسٹاف رپورٹر) کراچی تا موناباؤ چلنے والی تھر ایکسپریس جمعے کو پولیس اور رینجرز کی حفاظت میں تقریباً 400 مسافروں کو لے کر روانہ ہوگئی۔تھر ایکسپریس کی روانگی کینٹ اسٹیشن سے رات 11 بجے ہوئی۔اس موقع پر پولیس اور رینجرز کے اہلکار بڑی تعداد میں پلیٹ فارم پر تعینات تھے۔ پاسپورٹ رکھنے والے مسافروں کے علاوہ کسی فرد کو پلیٹ فارم پر جانے کی اجازت نہیں دی گئی ۔ مسافروں کے سامان کی سخت تلاشی لی گئی جب کہ میٹل ڈی ٹیکٹر کے علاوہ سراغ رساں کتوں سے بھی مدد لی گئی۔دریں اثنا سانحہ پنڈی کے بعد کینٹ اسٹیشن کی رونقیں جمعہ کے روز قدرے بحال نظر آئیں۔ٹرینوں کی آمد ورفت میں چار تا چھ گھنٹے کی تاخیر رہی۔جس سے مسافروں کو پریشانی کا سامنا رہا۔عوام اور ملت ایکسپریس مقررہ وقت سے تاخیر سے روانہ ہوئیں۔