عبدالقدوس

لندن (سٹاف رپورٹر) تارکین وطن خواتین مقامی عورتوں کی غیر صحت مند عادات اپنالیتی ہیں۔ یہ بات ایک تازہ تحقیق سے سامنے آئی ہے۔ ریسرچ سے پتہ چلا ہے کہ غیر ملکی عورتیں جس قدر زیادہ اپنا وقت دوسرے ملکوں میں گزارتی ہیں اسی قدر زیادہ حاملہ ہونے کے باوجود وہ سگریٹ نوشی کی عادت کا شکار ہو جاتی ہیں جبکہ وہ بچوں کو چھاتی کا دودھ پلانا بھی ترک کر دیتی ہیں حالانکہ اپنے ملک میں وہ ایسا نہیں کرتیں۔ ریسرچ یونیورسٹی کالج لندن نے کی ہے جو دو ہزار تارکین وطن عورتوں پر تھی جنہوں نے ان عورتوں اور ان کے بچوں کی صحت کا جائزہ لیا۔ 17 فیصد حمل کے دوران سگریٹ یا شراب پیتی ہیں جبکہ 86 فیصد اقلیتی عورتیں بچوں کو چھاتی کا دودھ پلاتی ہیں اس کے مقابلہ میں مقامی عورتوں کی یہ تعداد 69 فیصد ہے غیر ملکی عورتیں جب اضافی پانچ سال برطانیہ گزارتی ہیں ان کی سگریٹ نوشی کے امکانات32 فیصد ہو جاتے ہیں جبکہ ان کے چھاتی کا دودھ پلانے کے امکانات مزید 5 فیصد کم ہو جاتے ہیں۔ ماؤں کو ان دنوں حمل کے دوران ہر قسم کی الکحل نہ استعمال کرنے اور چھاتی کا دودھ پلانے کی ہدایت کی جاتی ہے۔

__________________