خرم شہزاد خرم

بینظیر کی شہادت اور ترک، عراق کشیدگی ،تیل کی عالمی قیمتیں 100 ڈالر فی بیرل پر پہنچنے کا امکان



کراچی، لندن (جنگ نیوز) پاکستان میں بے نظیر بھٹو کی شہادت کے بعد غیریقینی سیاسی صورتحال اور ترک، عراق سرحد پر کشیدگی کے بعد تیل کی عالمی قیمتیں ایک بار پھر 100 ڈالر فی بیرل کی سطح پر پہنچنے کا امکان ہے جبکہ سونے کی قیمت بھی بڑھ گئی ہے۔ آئل ڈیلرز کے مطابق گزشتہ ہفتے کے دوران پاکستان میں پی پی پی کی چیئرپرسن اور اپوزیشن رہنما بینظیربھٹو کے قتل کے بعد تیل کی قیمتیں دوبارہ بڑھ گئی ہیں اور اگر غیریقینی صورتحال برقرار رہی تو قیمتیں 100 ڈالر فی بیرل کی ریکارڈ سطح پر پہنچنے کا خدشہ ہے۔ اس سے قبل 21 نومبر 2007ء کو خام تیل کی عالمی قیمتیں 99.29 ڈالر فی بیرل کی ریکارڈ سطح تک پہنچ چکی ہیں۔ گزشتہ روز عالمی منڈی میں نیویارک لائٹ سویٹ کروڈ آئل کے فروری کیلئے سودے 35 سینٹ اضافے کے ساتھ 96.35 ڈالر فی بیرل جبکہ لندن برنٹ کروڈ آئل کی قیمت 31 سینٹ اضافے کے ساتھ 94.19 ڈالر فی بیرل رہی۔ دوسری جانب ایشیائی مارکیٹ میں سونے کی قیمت تین ڈالر کے اضافے کے ساتھ سات ہفتوں کی بلند ترین سطح پر پہنچ گئی۔