ھارون اعظم

برسلز. . ... . .. . .بیلجئیم میں مسلم خواتین کی ایک بڑی تعداد نے حجاب پہننے کے حق میں سپریم کورٹ کے سامنے مظاہرہ کیا ہے ،جس میں مطالبہ کیاگیا کہ طالبات کو اسکولوں میں بھی حجاب پہننے کی اجازت دی جائے۔موومنٹ آف انڈی پینڈنٹ رائٹس کے تحت کیے گئے اس مظاہرے میں شریک خواتین اورطالبات حجاب کیے ہوئے تھیں ۔مظاہرین نے پلے کارڈز اٹھا رکھے تھے جن پردرج تھا کہ اسکولوں میں حجاب پہننے پرپابندی نے مسلم طالبات کے لیے تعلیمی اداروں کے دروازے بند کردیے ہیں۔اینٹ ورپ کے تمام اسکولوں میں حجاب پردو ماہ پہلے ہی پابندی عائد کی گئی ہے۔شرکا سے خطاب میں رہ نماوں نے کہا کہ لباس پہننا انسان کا انفرادی حق ہے جسے حکومت نہیں چھین سکتی۔
ـــــــــــــــــــــــــ ـــــــــــــــــــــــــ ــــــــ
روزنامہ جنگ۔

حیدر

ویسے یہ بات سمجھ نہیں آتی کہ اگر سیکولر ازم کا مطلب ہے سب کو مذہبی آزادی تو پھر حجاب پر پابندی کیوں؟ کسی کو زبردستی نقاب کروانے پر پابندی کی منطق تو سمجھ آتی ہے ۔

فاروق سرورخان

نقاب پہننا کس مذہب کا حصہ ہے ؟ دو چار حوالہ مل جائیں تو نوازش ہوگی۔

یاسر عمران مرزا

وہ جو مظاہرہ کر رہے ہیں نا، وہ بے وقوف جاہل اور دین سے نابلد ہیں اور دنیا بھر کی جو خواتین نقاب پہنتی ہیں وہ بھی جاہل ہیں۔ جو خواتین علما دین ایسا کرتی ہیں وہ بھی جاہل اور بےوقوف ہیں
چلیے مان لیجیے نقاب پہننا کسی مذہب کا حصہ نہیں، یہ صرف لباس کی ایک قسم ہے
ایسی صورت میں افراد کے ایک گروہ کو کسی خاص قسم کا لباس پہننے کے لیے مجبور کرنا یا انہیں‌ان کے پسندیدہ لباس پہننے سے روکنا اخلاقی یا قانونی لحاظ سے کتنا درست ہے؟

__________________
عرفی تومیندیش ذغوغائے رقیباں - آواز سگاں کم نہ کند رزق گدارا
میرا بلاگ | yasirimran.wordpress.com

فاروق سرورخان

آپ کا اثباتیہ بیان بہت ہی اچھا لگا۔ حقیقت پسندی ہو تو ایسی ہو۔

چہرہ کا نقاب جیسے ایک ثقافتی ورثہ کو مذہبی رنگ دینا کس طور درست ہے؟ کچھ روشنی ڈالئے ۔۔۔ آپ شاید مذاق کررہے ہیں ، میں سنجیدہ ہوں۔ اس پر جامعۃ‌الازہر کا فتوٰ‌ی یقیناً اصحاب دیکھ ہی چکے ہونگے؟

والسلام

__________________
فاروق سرور خان
ترے ضمیر پہ جب تک نہ ہو نزول کتاب
گرہ کشـا ہے نـہ رازی نـہ صـا حب کشـاف

ھارون اعظم

آپ کی اطلاع کے لئے عرض ہے کہ جن خواتین نے مظاہرہ کیا ہے، ان کی اکثریت نے اسکارف پہنے ہوئے تھے اور ان کے چہرے کھلے تھے۔ چہرے کے نقاب پر یقیناً اختلاف ہے، مگر حجاب پر نہیں ہے۔ چہرے کے نقاب کو ایک طرف رکھئے، آپ ہمیں کنفیوز نہ کریں، صرف یہ بتائیے کہ مذہبی آزادی کے نام پر نقاب پر پابندی کیا انسانی حقوق کے ساتھ کھلا مذاق نہیں ہے؟

نیلم خان

انجم شاہ جی آئیں اور جواب دیں ۔

حیدر

میری کچھ بولنے کی ضرورت ہی نہیں ہے۔ فاروق بھائی ۔ ۔ دیگر بھائیوں کے سوالات کے جوابات دے دیں گے تو فاروق بھائی کو اپنے ہی سوال کا جواب بھی مل جائے گا۔ ویسے تو یہ سوالات بھی جوابات ہی ہیں در حقیقت اگر فاروق بھائی سمجھنے کی کوشش کریں۔ لیکن یاسر بھائی کا سوال اپنی جگہ ایک علحدہ اہمیت رکھتا ہے

فاروق سرورخان

جن صاحب کو جواب دیا گیا انہوں نے "نقاب" کی ہی بات کی تھی۔ ابھی تک چہرے کی نقاب کے احکامات کے انتظار میں ہوں۔

جی نہیں، یہ انسانی حقوق کے لئے کوئی مذاق نہیں۔ درست شناخت کے لئے ضروری ہے کہ چہرہ دکھائی دیتا ہو۔ آج کل کراچی میں‌ہی ایسے واقعات ہورہے ہیں جن میں‌نقاب پوش (حجاب والا نقاب) خواتین دروازہ کھٹکھٹاتی ہیں اور اس طرح ڈاکو گھر میں داخل ہوجاتے ہیں۔

حجاب کی بات کیجئے، مناسب لباس کی بات کیجئے کہ باہر نکلنے کے لئے یہ دنیا کے تمام ملکوں کا کہیں‌ ان لکھا اور کہیں لکھا ہوا قانون ہے۔ لیکن چہرہ کی نقاب کی بات کیجئے تو کم از کم ایک عدد متفقہ حوالہ ساتھ ہونا چاہئیے۔

آپ نے اس نکتہ کو واضح کرنے کے لئے جو سوالات کئے ان پر آپ کا شکریہ

والسلام

حیدر

آہ فاروق بھائی ۔ ۔ ۔ آپکی عمر کا تقاضہ ہے ورنہ
خیر دوبارہ سے میرا پہلا مراسلہ پڑھیے۔ میں نے حجاب پر پابندی پر استعجاب کا اظہار کیا تھا اور یہ کہا تھا کہ کسی کو زبردستی نقاب کروانے پر پابندی ہو تو بات سمجھ میں بھی آتی ہے۔ میں نے کہاں کہا کہ نقاب مذہب کا حصہ ہے یا اس کو ہونا چاہیے۔ دوبارہ سے پڑھ لیجیے۔ ویسے 52 سال زیادہ عمر تو نہیں ہوتی
(مذاق کر رہا ہوں۔ آپ کے ساتھ دل لگتا ہے میرا)

فاروق سرورخان

مغرب میں مقیم مسلمانوں‌ کی طرف سے یہ دعوی کیا جاتا ہے کہ "چہرہ کا نقاب" حجاب کا ہی حصہ ہے۔ صرف آنکھیں‌نظر آنی چاہئیے۔ پھر یہ نقاب زدہ حجاب، مذہب کا حصہ ہی قرار دیا جاتا ہے۔ نقاب کے بغیر حجاب کا کوئی تصور مغربی ممالک میں مقیم مسلم ثقافت میں نہیں ہے۔ اس ثقافت کو مذہب کا حصہ قرار دیا جاتا ہے۔ یہاں‌مسلمانوں میں بھی یہ بحث عام ہے کہ چہرہ اور بالوں کا چھپانا آیا کہ حجاب کا حصہ ہے یا نہیں۔

شائد آپ یہ یقین نہیں کریں گے کہ ان قوانین‌کے پیچھے عام طور پر مسلمان ہی ہوتے ہیں۔ وہ اس لئے کہ ایک تو مسلمانوں کی بڑی تعداد اس نقاب زدہ حجاب کو اس لئے قبول نہیں کرتی کہ اس کا حکم قرآن میں نہیں‌ پایا جاتا۔ اسی لئے ایسے مسلمان قرآن حکیم کے احکامات کی روشنی میں اپنے نمائندوں کو لکھتے ہیں یا معلومات فراہم کرتے ہیں‌کہ اس قسم کا حجاب جس میں‌چہرہ ڈھکا ہو کسی اسلام کا حصہ نہیں ہے لہذا پیلک سیفٹی کی وجہ سے حجاب مع نقاب کی اجازت نہ دی جائے۔ اس معلومات کا تعلق مناسب طریقہ سے اپنے آپ کو ڈھانپنے سے نہیں بلکہ یہ صرف نقاب زدہ حجاب تک محدود ہوتا ہے۔

اس سے کسی قسم کی جذباتی ٹھیس محسوس کرنا یا عوام کے جذبات بھڑکانا ایک نامناسب عمل ہے۔ مقصد اس کا دل آزاری نہیں‌بلکہ ایک ایسے عمل کو حوصلہ شکنی کرنا ہے جس کا جواز مذہب میں‌ موجود نہیں ہے۔


والسلام

حیدر

ارے چچا جان وہ حجاب کے حق میں مظاہرہ کر رہے تھے۔ نقاب اتروایا۔ اب حجاب پر اعتراض ۔ کل کلاں کو کسی اور چیز پر نہ فتوی لا دینا

فاروق سرورخان

حجاب مع نقاب کا جواز مانگتا ہوں۔ مناسب لباس کو حجاب نہیں‌کہتے۔ اگر کہتے ہیں تو پھر تو مردوں کا مناسب لباس بھی حجاب کہلائے گا جی؟

محترم بھتیجے بدر طالب علموں سے صرف سوالات کی توقع رکھئے ، فتوی دینا یعنی قانون بنانا تو صرف اور صرف ایک قانون ساز مجلس شوری کا کام ہے۔ یہ اور بات ہے کہ کچھ لوگ صرف اپنی تعلیم کی بنیاد پر قانون سازی یعنی فتوی بازی اپنا پیدائشی حق سمجھ لیتے ہیں ؛) اس سے بھی بڑھ کر وہ لوگ ہیں جو ملکی قانون موجود ہوتے ہوئے بھی اپنے ہی جیسے لوگوں کے پاس قانون بنوانے یعنی فتوی لینے پہنچ جاتے ہیں

والسلام

حیدر

نہ جی نا چچا۔ بات کو نہیں پھیرو۔ بیلجیم میں خواتین نے حجاب کے حق میں مظاہرہ کیا۔ میں نے حیرانگی کا اظہار کیا کہ سیکولر ملکوں میں حجاب پر کیوں پابندی ہے حآلانکہ سیکولر ازم کو تو مذہبی آزادی کا نام دیا جاتا ہے۔ میں نقاب کی تو بات ہی نہیں کر رہا۔ آپ حجاب پر آئیں۔ اور اس کے حوالے سے اصل موضؤع پر بات کریں

عامرشہزاد

فاروق بھائی السلام عیلکم
آپ نے بہت سی جگہ پر لکھا کہ حجاب عورتوں کو اپنی مرضی سے کرنا چائیے اگرجس عورت کا دل کرے وہ حجاب کرے لے
جس کا دل نہ کرے وہ نہیں کرے یہ عورت کی اپنی مرضی ہونی چائیے کوئی کسی عورت کو زبردستی پردہ نہیں کروا نہیں سکتا
اور جو کسی کو زبردستی کرواے وہ انتہا پسند اور دہست گرد ہیں
تو فاروق بھائی یورپ اور امریکہ میں تو جہموریت ہے تو وہاں پر لوگوں کو پورے حقوق کیوں نہیں دیے جاتے اگر کوئی عورت
وہاں پر حجاب کرنا چاہتی ہے تو اسے کیوں نہیں کرنے دیا جاتا کہی وہ بھی تو انتہا پسند دہست گرد تو نہیں ہو گئے
فاروق بھائی بات ایک ہی ہے وہ عورت کو بغیر کپڑے کے تو پسند کر سکتے ہیں لیکن کپڑے میں نہیں