instafotos

وزیراعظم سید یوسف رضا گیلانی نے کہا ہے کہ انکی حکومت نے فیصلہ کیا ہے کہ آئندہ سے بیرون ملک تعینات کئے جانیوالے سفیروں میں سے ہر پانچ میں سے ایک سفیر خاتون ہو گی۔ اتوار کو یہاں پیپلز پارٹی کی خواتین ارکان اسمبلی سے بات چیت کرتے ہوئے انہوں نے کہا کہ خواتین کا معاشرے میں بڑا اہم کردار ہے اور ان کے بغیر کوئی بھی معاشرہ ترقی نہیں کر سکتا۔ انہوں نے کہاکہ اس کے علاوہ وفاقی سیکرٹریز کے طور پر بھی خواتین کا تقرر کیا جائے گا۔ انہوںنے کہا کہ اس کا مقصد قابل اور اہل خواتین کو ان کے جائز حقوق دلانا ہے تاکہ وہ احساس کمتری کا شکار نہ ہو سکیں۔