عبدالقدوس

اسلام آ باد / لاہور (نمائندہ جنگ/ ایجنسیاں) متحدہ مجلس عمل کے صدر قاضی حسین احمد نے کہا ہے کہ بدقسمتی سے ملک کی دو بڑی سیاسی جماعتیں مستقبل کا نقشہ سمجھنے میں ناکام رہیں ،انہوں نے کہا کہ وکلاء، سیاسی جماعتوں، سول سوسائٹی اور عوام کی جدوجہد کے نتیجے میں اسلامی انقلاب آئے گا ہم امریکہ، بھارت سمیت کسی بھی ملک سے دشمنی نہیں چاہتے مگر ہمارے ساتھ ظلم ہو رہا ہے عدل اور انصاف مانگتے ہیں معزول چیف جسٹس سمیت تمام ججز کو بحال کیا جائے ان کے بغیر آزاد عدلیہ کا تصور ناممکن ہے۔ ان خیالات کا اظہار انہوں نے پیر کے روز اسلام آباد بارایسوسی ایشن کے زیراہتمام اسلام آباد کچہری میں وکلاء سیاسی کارکنوں اور سول سوسائٹی کے نمائندوں سے خطاب کرتے ہوئے کیا قاضی حسین احمد نے کہا کہ سپریم کورٹ اور ہائی کورٹس کے ساٹھ ججوں نے پی سی او کے تحت حلف اٹھانے سے انکار کر کے قوم، ملک سیاسی جماعتوں اور وکلاء کے سامنے ایک بہت بڑا چیلنج کھڑا کیا ہے معزول ججز نے اپنے حلف کی پاسداری کی ہے آمریت کے سامنے انکار کر کے انہوں نے قوم کے سامنے نئے راستے اور منزل کی نشاندہی کی ہے ۔

__________________