راجہ اکرام

عراق کی حکومت نے امریکہ میں عراقی شہریوں کی طرف سے نجی سکیورٹی کمپنی بلیک واٹر کے خلاف دائر مقدمے میں عراقی شہریوں کی مدد کرنے کا فیصلہ کیا ہے۔

عراقی حکومت کے ایک ترجمان علی دادباغ نے برطانوی خبر رساں ادارے رائٹرز کو بتایا کہ حکومت بلیک واٹر کے خلاف شہریوں کی طرف سے دائر مقدمے میں شہریوں کی مکمل حمایت کرنے کا فیصلہ کیا گیا ہے۔

انہوں نے کہا کہ حکومت امریکہ کی وزارتِ انصاف سے کہے گی کہ بلیک واٹر جس کا نام تبدیل کر کے اب ایکس ای سروسز رکھ دیا گیا ہے کے اہلکاروں کے خلاف مقدموں کا از سر نو جائزہ لے۔ اس کمپنی کے اہلکاروں پر سن دو ہزار سات میں بغداد میں چودہ عراقی شہریوں کو قتل کرنے کا الزام ہے۔

امریکہ میں ایک وفاقی عدالت نے بلیک واٹر کے ان اہلکاروں کے خلاف الزامات کو رد کر دیا تھا۔تاہم دادباغ کا کہنا ہے کہ عدالت نے یہ فیصلہ تکنیکی بنیادوں پر سنایا ہے۔عراق نے امریکی عدالت کے فیصلے کو ناقابلِ قبول اور غیر منصفانہ قرار دیا تھا۔

خیال رہے کہ بغداد کے نصور سکوائر میں ہونے والی ان ہلاکتوں سے جہاں عراق اور امریکہ کے تعلقات میں تناٰؤ پیدا ہوا تھا وہیں جنگ زدہ علاقوں میں امریکی ٹھیکیدار کمپنیوں کے کام کرنے پر بھی سوال اٹھائے گئے تھے۔ اس واقعہ کے بعد امریکی حکام نے بلیک واٹر کے سکیورٹی ٹھیکے میں توسیع روک دی تھی اور کمپنی نے اپنا نام بلیک واٹر سے بدل کر زی سروسز رکھ لیا تھا۔

__________________
محتاج اصلاح و دعا

کنعان

السلام علیکم بھائی

اس اپیل کا بھی کوئی فائدہ نہیں ہو گا وہ بھی خارج ہو جائے گی، اپیل کے لئے یہ بات بہت ضروری ہوتی ھے کہ جو پوائنٹ لگا کر کورٹ نے فیصلہ کیا ھے اس پوائنٹ پر بڑی طاقت ور گراؤنڈ بنانی ہوتی ھے اور پھر اس پر جیوری بنچ کی مرضی ھے کہ وہ ان کے ریپریزنٹر کو بھی وہاں بلوائے یا اس کے بغیر ہی فیصلہ کر دے۔ بہت مشکل ھے۔

والسلام

__________________

عدنان دانی

جو بھی ہو۔۔۔ یہ تو واضح ہوگیا
کہ عراق ۔۔۔۔۔۔ پاکستان سے تو اچھا ہے۔۔۔۔۔

راجہ اکرام

عدنان بھائی
پاکستان سے اچھا کیوں؟

sahj

بلیک واٹر نے افغانستان میں ہتھیاروں کا بے دریغ استعمال کیا، امریکی سینیٹ



واشنگٹن (جنگ نیوز) امریکی بدنام زمانہ پرائیویٹ سیکورٹی کمپنی بلیک واٹر کے ملازمین پر افغانستان میں ہتھیاروں کے بے دریغ استعمال کے الزامات سامنے آئے ہیں۔ یہ بات امریکی سینیٹ کی آرمڈ سروسز کمیٹی کی تحقیقات میں سامنے آئی ہیں جس کے مطابق یہ انکشاف ہوا ہے کہ امریکی فوج نے افغانستان میں بلیک واٹر کی سرگرمیوں پر آنکھیں بند کررکھی تھیں اور سیکورٹی کمپنی کے ملازمین کو منظوری کے بغیر ہتھیار استعمال کرنے کی اجازت حاصل تھی۔ کمیٹی چیئرمین سینیٹر کارل لیون کا کہنا ہے کہ بلیک واٹر افغانستان میں بغیر کسی نگرانی کے کام کرتی رہی ہے اور اس پر کوئی قانون لاگو نہیں کیا گیا اور ہتھیاروں کے بے دریغ استعمال سے بعض اوقات عام شہریوں کی ہلاکتوں کے واقعات بھی سامنے آئے ہیں۔ کمیٹی نے بلیک واٹر کی خدمات لینے کے عمل کو بھی تنقید کا نشانہ بناتے ہوئے کہا ہے کہ متنازع بلیک واٹر میں شامل کچھ گارڈز نشے کے عادی ہیں اور ان کا سنگین مجرمانہ ریکارڈ ہے ۔رپورٹ میں بلیک واٹر کے گارڈز کی طرف سے فائرنگ سے عام شہریوں کی ہلاکتوں کے چند واقعات کا بھی حوالہ دیا گیا ہے۔ دوران تحقیقات یہ بات بھی سامنے آئی ہے کہ بلیک واٹر ملازمین ، امریکی فوج کے زیر کنٹرول ذخائر سے ہتھیار حاصل کرتے رہے ہیں ۔اس سلسلے میں ذمہ دار امریکی فوجی حکام کی کمیٹی کے سامنے پیشی کا بھی امکان ظاہر کیا جارہا ہے ۔
روزنامہ جنگ
25فروری2010

__________________
حضور صلی اللہ علیہ وسلم نے فرمایا کہ میں سویا ہواتھا کہ میں نے خواب میں جنت دیکھی ۔ میں نے دیکھا کہ ایک عورت ایک محل کے کنارے وضو کررہی ہے ۔ میں نے پوچھا یہ محل کس کا ہے ؟ تو فرشتوں نے جواب دیا کہ عمر رضی اللہ عنہ کا۔صحیح بخاری

عروج

ھر شخص جانتا ھےکفار کی چالوں کو، مگر سپاھیوں کی اورکرکٹروں کی تربیت انہی سے کروانی ھے۔ وہ مسلمانوں کے دوست نہیں، احادیث تو یہی بتاتی ھیں اور سبق ھم نے تاریخ سے بھی نہیں لینا۔ کون مُکّر سکتا ھے کہ پاکستان میں امریکی شہری ھماری ھر سرگرمی پرنظر رکھے ھوئے نہیں ھیں؟

ھارون اعظم

عروج بہن، اتنی پرانی خبروں پر تبصرہ کرنے سے کچھ فائدہ نہیں ہوتا۔ آپ اگر موجودہ موضوعات پر توجہ مرکوز رکھیں تو باقی ممبران کا بھی فائدہ ہوگا۔

__________________


http:// haroonazam.wordpress.com

ھارون اعظم کا بلاگ۔

Fawad

کسی بھی بحث کا بنيادی اصول ہے کہ حقائق اور ميسر شواہد کی بنياد پر دلائل اور گفتگو کی جاۓ۔ اس ضمن ميں حکومت پاکستان اور وزيراعظم پاکستان کے ان بيانات کو کوئ اہميت نہيں دی گئ جس ميں انھوں نے واضح کيا ہے کہ يہ تمام الزامات بالکل غلط اور محض ڈس انفارميشن ہے۔

پاکستان ميں رہنے اور کام کرنے والے ہر غير ملکی کو ويزے کے اجراء کی ذمہ دار حکومت پاکستان اور متعلقہ پاکستانی محکمے اور ايجينسياں ہیں۔

ميں آپ کو يہ بھی باور کروانا چاہتا ہوں کہ پاکستان ميں رہنے اور کام کرنے والا ہر امريکی شہری حکومت پاکستان سے منظور شدہ ويزے کی بنياد پر کام کر رہا ہے۔ پاکستان کے حکومتی اہلکاروں نے عالمی قوانين اور روايات کے عين مطابق انھيں يہاں رہنے اور کام کرنے کی مکمل اجازت دی ہے۔

يہ نقطہ بھی قابل توجہ ہے کہ رائج عالمی قوانين کے عين مطابق حکومت پاکستان کو اس بات کا پورے اختيار حاصل ہے کہ وہ پاکستان کے اندر رہائش پذير اور کام کرنے والے ہر غير ملکی شخص کی نقل وحرکت اور سرگرميوں کے حوالے سے اپنی مرضی کے قواعد وضوابط اور قوانين مرتب کرے۔ پاکستان ميں رہنے والےامريکی شہری اس قانون سے مبرا نہيں ہيں۔

يہ بھی ياد رہے کہ ہزاروں کی تعداد ميں پاکستانی بھی امريکہ ميں رہائش پذير ہيں


فواد – ڈيجيٹل آؤٹ ريچ ٹيم – يو ايس اسٹيٹ ڈيپارٹمينٹ
digitaloutreach@state.gov
U.S. Department of State
USUrduDigitalOutreach | Facebook