حنا

ام طلحہ

نقصان کا اندازہ اس سے کہیں زیادہ ہے۔ زیارت میں ایک پورا گاؤں تودے کی لپیٹ میں آچکا ہےجس کی آبادی کا اندازہ کم ازکم 100 افراد ہے۔ اس کے علاوہ لورالائی میں بھی تباہی ہوئی ہے۔کوئٹہ میں کئی افراد ہوائی فائرنگ کا شکار ہو گئے۔فائرنگ اتنی شدید تھی کہ ہم سب اپنے گھروں میں محصور رہنے پر مجبور رہے۔

ام طلحہ

میرے آفس میں پڑنے والے کریکس کی تصاویر دیکھیں

Attached Images

   

ام طلحہ

اور یہ کچھ مزید بھی ہیں

Attached Images

     

ابن جلال

میں بھی رات کو تصویروں اور تمام نیوز پوسٹ کردونگا ابھی اپنا کام بہت زیادہ ہیں اوپر سے اسلام آباد ہیڈ آفس والے نیوز مانگ رہے ہیں۔

وجدان

یااللہ رحم فرما، ہم گناہ گاروں پر ، ہمیں‌نیک عمال کرنے کی توفیق دے پروردیگار، ہمیں معافی دے دے، ہماری خطائیں‌بخش دے مولائے کل کائینات۔

اللہ تعالٰی مرنے والوں کو آخرت میں اونچا مقام دے اور جو لوگ اس سانحے میں بچ گئے ہیں انکی مدد فرمائے۔ آمین ثم آمین اے رب العالامین۔

وجدان

اردو نیوز ڈیسک آن لائن ایڈیشن

ہسپتالوں میں ایمرجنسی نافذ‘زخمیوں کو کوئٹہ سمیت مختلف ہسپتالوں میں منتقل کر دیا گیا‘ ہلاکتوں میں اضافے کا خدشہ ہے

زلزلے کی شدت6.5ریکارڈ کی گئی‘ مرکز کوئٹہ شہر سے 70 کلومیٹر دور شمال مشرق میں تھا

کوئٹہ شہر، زیارت ،سبی ، بولان ، چمن ، قلات،لورالائی اور مستونگ میں شدید زلزلے کے جھٹکے محسوس کئے گئے

ابتدائی طور پر اپنے مدد آپ کے تحت امدادی کارروائیاں جاری رہی‘ طبی امدادے ٹیمیں زلزلے سی متاثرہ علاقوں میں بھیج دی گئیں

زیارت کے دو دیہات ورچوم میں امداد کے لیے طبی سامان اور عملے کے ساتھ دو ہیلی کاپٹر بھیج دیے گئے ہیں‘ ترجمان آئی ایس پی آر

زیارت اور پشین میں فرنٹیر کانسٹیبلری کے دستوں کو زلزلے سے نقصان کا اندازہ لگانے کے لیے مختلف علاقوں میں بھیج دیے گئے

زیارت کے دیہات کواس، ورچوم اور کانڑ میں بڑی تعداد میں مکانات منہدم ہو گئے ہیں

میرے مکان کی دیواریں بھی گر گئی ہیں‘ کچھ علاقوں میں پہاڑی تودے گر نے سے زیادہ جانی نقصان کا خدشہ ہے‘ ایم پی اے عبدالرحیم زیارتوال

کوئٹہ۔ کوئٹہ ا ور گرد نواح میں بدھ کو علی الصبح یکے بعد دیگر آنے وا لے زلزلے کے متعدد شدید جھٹکوں سے تقریباً 12 گاؤں صفحہ ہستی سے مٹ گئے جس سے ابتدائی اطلاعت کے مطابق 160 سے زا ئد افراد افراد جاںبحق اور سینکڑوں زخمی ہو گئے ۔ ملبے تلے دبے لاشوں اور زخمیوں کو نکالا جا رہا ہے۔ ہلاکتوں میں اضافے کا خدشہ ہے ۔ ہلاک شد گان اور زخمیوں میں بڑی تعداد عورتوں اور بچوں کی ہے۔زخمیوں کو کوئٹہ سمیت مختلف ہسپتالوں میں منتقل کر دیا گیا ہے۔ہسپتالوں میں ایمرجنسی نافذ کر دیا گیا ہے۔ طبی امدادے ٹیمیں زلزلے سی متاثرہ علاقوں میں بھیج دی گئی ہیں۔ زلزلے کا مرکز کوئٹہ شہر سے 70 کلومیٹر دور شمال مشرق میں بتایا گیا ہے اور زلزلہ پیما مرکز کوئٹہ کے مطابق زلزلے کی شدت6.5ریکارڈ کی گئی. ذرائع کے مطابق کوئٹہ شہر اور گردو نواح زیارت ،سبی ، بولان ، چمن ، قلات،لورالائی اور مستونگ میں شدید زلزلے کے جھٹکے محسوس کئے گئے ۔زلزلے سے سب سے زیادہ زیارت متاثر ہوا ہے۔ ذرائع کے مطابق زلزلے کا پہلا جھٹکا رات چاربجکر تین منٹ پر محسوس کیا گیا۔ زلزلے کے جھٹکے چالیس سیکنڈ تک جاری رہے جس کے بعد درجنوں کچے مکانات زمیں بوس ہوگئے جبکہ بلند و بالا عمارتوں کے شیشے ٹوٹ گئے۔اطلاعات کے مطابق زلزلے کے جھٹکوں کے بعد شہریوں میں خوف ہراس پھیل گیا اورلوگ کلمہ طیبہ کا ورد کرتے گھروں سے نکل کر باہر آگئے،خوف و ہراس کے باعث لوگوں کو جگانے کے لئے شدید ہوائی فائرنگ کی گئی ۔ شہری اپنی مدد آپ کے تحت امدادی کاروائیاں جاری رکھے ہوئے ہیں۔ زیارت کے تین دیہاتوں میں بڑی تعداد میں مکانات منہدم ہوئے ہیں۔ آئی ایس پی آر کے ترجمان کے مطابق زیارت کے دو دیہات ورچوم میں امداد کے لیے طبی سامان اور عملے کے ساتھ دو ہیلی کاپٹر روانہ کر دیے گئے ہیں۔ انہوں نے کہا کہ زیارت اور پشین میں فرنٹیر کانسٹیبلری کے دستوں کو زلزلے سے نقصان کا اندازہ لگانے کے لیے مختلف علاقوں میں روانہ کیا گیا ہے۔زیارت سے تعلق رکھنے والے سابق رکن صوبائی اسمبلی عبدالرحیم زیارتوال نے بتایا ہے کہ زیارت کے دیہات کواس، ورچوم اور کانڑ میں بڑی تعداد میں مکانات منہدم ہو گئے ہیں۔ انھوں نے کہا کہ کواس میں ان کے اپنے ذاتی مکان کی دیواریں بھی گر گئی ہیں جبکہ کچھ علاقوں میں پہاڑی تودے گرے ہیں جن سے زیادہ جانی نقصان کا خدشہ ہے۔ مقامی لوگوں نے بتایا ہے کہ ایسا لگتا ہے کہ مکانات کے ملبے کے نیچے لوگ ہیں جنھیں باہر نکالنے کے لیے کوششیں کی جا رہی ہیں۔ ادھر پشین کے علاقے خانوزئی کے قریب خوشاب سے ایک خاتون سمیت تین افراد کے ہلاک اور آٹھ افراد کے زخمی ہونے کی اطلاع ہے۔ زیارت شہر میں یہ اعلانات بھی کیے گئے ہیں کہ لوگ اپنی مدد آپ کے تحت متاثرہ دیہاتوں میں پہنچ جائیں۔ کوئٹہ میں چالیس منٹ کے وقفے سے زلزلے کے دو جھٹکے کیے گئے۔ پہلا زلزلہ ساڑھے چار بجے آیا ہے لیکن اس کی شدت زیادہ نہیں تھی جبکہ سوا پانچ بجے دوسرا زلزلہ آیا جس کی شدت ریکٹر سکیل پر چھ اعشاریہ دو بتائی گئی ہے۔ زلزلے کے پہلے جھٹکے کے بعد لوگ خوف کے مارے گھروں سے باہر نکل آئے۔ابھی تھوڑی دیر ہی گزری تھی کہ اس کے بعد زلزلے کے شدید جھٹکے آئے ہیں جس کے ساتھ کوئٹہ شہر میں بجلی کی ترسیل معطل ہوگئی۔ اس دوران شہر میں ہوائی فائرنگ کی آوازیں سنائی دیتی رہیں۔ شمالی بلوچستان کے دیگر علاقے جیسے قلعہ عبداللہ، لورالائی اورژوب میں بھی زلزلے کے جھٹکے محسوس کیے گئے ہیں۔ یاد رہے مئی 1935ء میں کوئٹہ میں تباہ کن زلزلوں سے کوئٹہ شہر میں بھاری نقصان ہوا تھا۔ جس میں بڑی تعداد میں لوگ ہلاک ہو گئے تھے اور عمارتیں زمین بوس ہو گئی تھیں۔ کوئٹہ شدید زلزلوں کے زون میں پایا جاتا ہے

ام طلحہ

آفٹر شاک اب تک آرہے ہیں۔ میں نے 1 بجے اور پھر 3 بجے کے آس پاس کافی واضح جھٹکے محسوس کیے تھے۔

عبدالقدوس

سنا ہے کہ 12 آفٹر شاکس آچکے ہیں

ابن جلال

میں تو رات کو واپس سوگیا تھا ہمسائیہ کے گھر میں‌آگ لگی ہوئی تھی وہ بجاکر واپس آکر سو گیا تھا اور پھر دن بارہ بجے دن سویا ہوا تھا اس لیے آفٹر شاکس کے آنے کا مجھے پتہ نہیں چلا