خرم شہزاد خرم

برس سے کم عمر کے 5لاکھ افراد نااہلی بینیفٹ لے رہے ہیں



لندن (جنگ نیوز )پینتیس برس سے کم عمر کے پانچ لاکھ سے زائد افراد نااہلی بینیفٹ لے رہے ہیں۔ حکومت کے جاری کردہ اعداد وشمار کے مطابق ان افراد کا کہنا ہے کہ وہ کام کرنے کے لحاظ سے کافی بیمار ہیں۔ ان میں ’ذہنی اور غیر متوازن رویّے‘ کے حامل تین لاکھ افراد بھی شامل ہیں، یعنی نااہلی بینیفٹ لینے والوں کی تعداد بے روزگاری الاوٴنس لینے والے نوجوانوں کی تعداد سے بہت زیادہ ہے۔ ڈپارٹمنٹ ورک اینڈ پنشنز کے اعدادوشمار میں بتایا گیا ہے کہ گذشتہ مئی میں پینتیس برس سے کم عمر کے نااہلی بینیفٹ یا سنگین معذوری الاوٴنس لینے والوں کی کل تعداد 5لاکھ 4ہزار تھی جب کہ بے روزگاری الاوٴنس کے لیے 4لاکھ 43ہزار نے دعویٰ کیا۔ ڈی ڈبلیو پی کے ترجمان نے کہا کہ ساڑھے سات برس میں نااہلی بینیفٹ لینے والوں کی شرح اپنی انتہائی کم ترین سطح پر ہے اور طویل مدت کے لیے نوجوانوں کے بے روزگاری دعوے درحقیقت جڑ سے ختم ہو گئے ہیں۔ انہوں نے بتایا کہ اکتوبر 2008ء سے نااہلی بینیفٹ کی جگہ لینے والا نیا ایمپلائمنٹ اینڈ سپورٹ الاوٴنس دعووٴں کی شرح مزید کم کرنے میں مددگار ثابت ہوگا۔ ادھر کنزرویٹو پارٹی کے شیڈو سیکرٹری برائے ورک اینڈ پنشنز نے کہا کہ نااہلی بینیفٹ کا بڑھتا ہوا مسئلہ بھی گذشتہ دس برس میں ویلفیئر کے کاموں میں حکومتی ناکامی کی ایک مثال ہے، حکومت نے کروڑوں پونڈ خرچ کرڈالے اور نتیجے میں کچھ بھی حاصل نہیں کرپائی۔