عبدالقدوس

بائیکاٹ نہ ہو تو چارٹر آف ڈیمانڈ کی 6 شرائط کی حمایت کرینگے، شجاعت
اسلام آباد (ٹی وی رپورٹ) پاکستان مسلم لیگ کے صدر چوہدری شجاعت حسین نے کہا ہے کہ چارٹر آف ڈیمانڈ کمیٹی کی طرف سے دی گئی شرائط میں سے 6 شرائط منظور کرنے کیلئے پاکستان مسلم لیگ حمایت کرے گی بشرطیکہ اس کمیٹی میں شامل جماعتوں کی طرف سے آئندہ الیکشن کا بائیکاٹ نہ کرنے کا اعلان کیا جائے۔ انہوں نے یہ بات لاہور میں پاکستان مسلم لیگ کی طرف سے قومی اسمبلی کے حلقوں کے لیے ٹکٹیں تقسیم کرنے کا آغاز کرتے ہوئے کہی۔ چوہدری شجاعت حسین نے کہا کہ سیاسی جماعتوں کے گروپ نے جو چارٹر آف ڈیمانڈ پیش کیا ہے اس میں جو شرائط اب تک سامنے آئی ہیں وہ 10 /شرائط ہیں، ہم 6 شرائط پر انکی حمایت کرنے کیلئے تیار ہیں بشرطیکہ ان جماعتوں کی طرف سے ایک ہی وقت میں دونوں خبریں نشر کی جائیں اور اس میں یہ کہا جائے کہ 6 /ہماری شرائط منظور ہو چکی ہیں اور وہ انتخابات میں حصہ لیں گے اس شرط کے ساتھ ہم اسے حکومت کو ریکمنڈ کریں گے۔ اس موقع پر پاکستان مسلم لیگ کے سیکرٹری جنرل مشاہد حسین سید نے کہا کہ ہماری پارٹی نے الیکشن کے لیے اپنا ہوم ورک مکمل کرلیا ہے اور ٹکٹوں کی تقسیم کا مرحلہ باقاعدہ شروع کردیا گیا ہے۔

__________________