عبدالقدوس

اسلام آباد (پ ر) یکم جنوری 2008 سے امریکہ کے نان امیگرینٹ ویزا درخواست کی فیس 100 ڈالرسے بڑھا کر 131 ڈالر کی جارہی ہے۔ اس اضافہ کے ذریعہ محکمہ خارجہ نان امیگرینٹ ویزا کی درخواست پر سلامتی اور دیگر اضافی کارروائیوں کے اخراجات کو پورا کر سکے گا۔ اس اضافہ کا اطلاق مشین ریڈ ایبل ورق کے حامل پاسپورٹوں اور میکسیکو میں بعض افراد کو سرحد عبور کرنے کیلئے جاری کئے گئے کارڈ ز پر بھی ہوگا۔ وہ درخواست گزار جو یکم جنوری سے قبل درخواست فیس 100 ڈالر ادا کر چکے ہیں ان کی درخواست پر کارروائی صرف اس صورت میں ہوگی اگر ان کا ویزا انٹرویو کیلئے 31 جنوری سے قبل آمد طے ہے۔ اور وہ درخواست گزار جنہوں نے 100 ڈالر کی فیس ادا کی ہے اور 31 جنوری 2008 ء کے بعد ویزا انٹرویو کیلئے پیش ہوں گے انہیں انٹرویو سے قبل 31 ڈالر کی بقایا رقم لازماً ادا کرنا ہوگا۔ محکمہ خارجہ قانوناً پابند ہے کہ وہ نان امیگرینٹ ویزا پر کارروائی کے اخراجات مشین ریڈ ایبل ویزا درخواست فیس سے جمع ہونے والی رقم سے پوری کرے۔ سلامتی کے حوالے سے نئے اخراجات ، نئی انفارمیشن ٹیکنالوجی کے نظاموں اور افراد زر کے باعث نان امیگرینٹ ویزاکی کارروائی پر اٹھنے والے اصل اخراجات کی بہ نسبت مشین ریڈ ایبل ویزاکی 100 ڈالر فیس کم ہے۔ 11 دسمبر کے واقعات کے بعد درخواستوں کی فیس دو بار بڑھائی جاچکی ہے اور آخری بار 2002 ء میں اضافہ کیا گیا تھا۔

__________________