ابن ضیاء

واشنگٹن…پنٹاگون نے آبنائے ہرمز میں ایرانی بحریہ کی جانب سے اپنے جہازوں کے خلاف مبینہ جارحانہ کارروائی سے متعلق آڈیو اور ویڈیو ٹیپس جاری کردیں۔امریکی محکمہ دفاع پنٹاگون کی جانب سے جاری ویڈیو ٹیپ میں دکھایا گیا ہے کہ ایران کی ایک تیز رفتار بوٹ نے امریکی بحری جہاز ہوپر کا پیچھا کیا ۔ اس ویڈیو میں ایرانی بوٹ کی طرف سے ایرانی نیوی کے اہل کار کی آواز واضح طور پر سنی جا سکتی ہے ۔وہ امریکی جہاز کے عملے سے مخاطب ہوکر کہہ رہا ہے کہ”ہم آرہے ہیں یہا ں سے چلے جاؤ ورنہ چند منٹ میں تمھیں تباہ کردیں گے“۔